Deputada Olinda Preokupa CNRT Kontinua Bolu Guvernu Defaktu
Naunil Media (Díli), Xefe Bankada Partidu Kmanek Haburas Unidade Nasionál Timor Oan (KHUNTO), Deputada Olinda Guterres, kestiona deputadu/a sira husi bankada oposisaun Partidu Kongresu Nasinál Rekontrusaun Timorense (CNRT), kontinua bolu Guvernu konstituisionál da-ualu illegal no defaktu.
“Ha’u foti pontu de orden tanba deputadu CNTR iha ne’e kestiona mak defaktu tenke tama no illegal tenke tama”, Deputada Olinda Guterres, hato’o preokupasaun ne’e liu husi intervensaun polítika iha debate espesialidade ba Orsamentu Jéral Estadu (OGE) tinan fiskal 2020 iha uma fukun Parlamentu Nasionál, Segunda (5/10).
Deputada bankada Governu, Olinda Guterres, rekoñese CNTR mak la kohi ukun.
“Ita bo’ot sira mak lakoi ukun, ita la’o rame-rame ita bo’ot sira soe hela ami, ita bo’ot sira soe hela responsabilidade”, tenik Olinda Guterres.
Ikus nia dehan, “ita bo’ot sira koalia ne’e ita nia Governu tur hela iha ne’eba, ne’e hateke maran hela mai ita, ema ida ne’ebé mak luta tinan 24 iha ailaran hateke nafatin iha nia matan laran koalia nafatin illegal ne’e husi ne’ebé, se mak illegal”. Lop
