Governu TL Prepara Fatin Tolu Ba Izolamentu Corona Virus

Fahe Tutan

Naunil Media (Dili), Primeiru Ministru (PM), Taur Matan Ruak, hateten  Governu Timor-Leste (TL) liu hosi Ministériu Saúde (MS)  forma ona komisaun interministeriál hodi indizita fatin tolu (3) ba izolamentuu corona virus.

Xefe oitavu governu konstitusionál, Taur Matan Ruak, ba jornalista sira hafoin sorumutuk seminal ho Prezidente Repúblika (PR), Francisco Guterres ‘Lú Olo’, iha Palasiu Prezidensiál Nicolau Lobato, Bairru Pité, Kinta (12/03).   

“Dadaun ne’e governu Timor-Leste liuhosi komisaun interministeriál ne’ebé lidera husi Ministra Saúde (MS) prepara fatin tolu hanesan Klínika Barru Formoza, Klínika Vera Cruz no Tibar hodi prepara ba atendimentu pesoa moras covid-19 nian”, informa PM Taur.

Nia hatutan, komisaun interministerial ne’e kompostu husi Ministériu Saúde, Ministériu Estatal, Ministériu Negosius Estranjeirus no Koperasaun, Ministériu Finansas, Ministériu Defeza, Ministériu Interior no ekipa teknika balun ne’ebé mak halo hela preparativu ba fatin tolu ne’ebe mensiona ona.

“Governu buka hela altenativa balun hodi husu  apoiu internasinál atu prepara  aan no hakbiit ema hotu-hotu hodi hasoru moras covid-19 ne’e. Sistema atendimentu saúde iha Timor-Leste realidade agora sistema saúde sei fraku kompara ho nasaun ne’ebé mak dezemvolvidu”, dehan Nia.

Dadus moras covid-19 komesa daet ona ona ba nasaun hamutuk 73 husi asian no  kontinente Europa tanba  ne’e Timor-Leste tenke prepara aan ba moras  refere. Dms

Leave a Reply

Your email address will not be published.