A Partir Fulan Abril Ba Leten Laiha Ona Duodécimo, PLP Ejiji Koligasaun Foun Solusiona Impase Polítiku

Fahe Tutan

Naunil Media (Díli), Vise Prezidente Bankada Parlamentár Partidu Libertasaun Popular (PLP), Francisco de Vasconcellos, hateten hafoin Orsamentu Jerál Estadu (OJE) sumba iha uma fukun Parlamentu Nasionál, estadu Timor-Leste la’o ho Duodécimo, maibe tuir informasaun husi Ministériu Finansas (FM)  katak, a partir fulan Abril ba oin laiha tan Duodécimo.

Francisco de Vasconcellos, deklara ba jornalista sira liu husi komunikadu imprensa mak hala’o iha bankada PLP iha Parlamentu Nasionál (PN), Kinta (12/03).   

“PLP hato’o nian prekupasaun ba situasaun atuál ne’ebe que ita nia pais hasoru. Situasaun ida agora depois Orsamentu Jerál  Estadu (OJE) sumba, ita la’o hela ho Duodécimo, maibe tuir informasaun ne’e ami rona husi Ministériu Finansas (FM) katak iha aAbril ho fulan Maiu orsamentu la iha ona”, hateten deputadu husi bankada PLP ne’e.  

Vise Xefe Bankada PLP ne’e hatutan, Estadu ne’e atu la’o ba ne’ebe ?, laiha ona osan, no sei afeita ba funsionamentu eletrisidade, funsiunáriu sira kontratadu, operasaun polísia nian, forca defeza nian.

“Ida ne’e problema bo’ot, tanba ne’e mak bankada PLP husu partidu sira ne’ebe halo koligasaun, liu-liu koligasaun foun ne’, tenke fó solusaun la-lais ba impase polítiku ne’e”. Dehan Nia. Ana  

Leave a Reply

Your email address will not be published.