Merenda Eskolar Iha EBC Farol Paradu Fulan Rua
Naunil media(Díli), Polítika Merenda eskolar ne’ebé oferese husi governu liu hosi Ministériu Edukasaun Juventude no Desportu (MEJD) hodi ajuda estudante sira iha eskola, maibé realidade merenda eskolar iha ensinu Basiku central (EBC) Farol paradu fulan rua (2).
Diretóra EBC Farol, Irene soares Morato, hateten durante ne’e merenda eskolar paradu iha fulan Jeneru no Marsu, maske iha 25 Fevereiru foin lalais ne’e simu merenda escolar, maibe estudante sira komsumu semana ida de’it.
“Osamentu ne’ebé mai husi Governu ne’e hamutuk U$ 13, 29. 75, maibé sei fahe ba eskola filiál haat mak hanesan eskola filiál Rumbia, Fatu-Hada, Vila Verde, Tuana Laran”, dehan Diretóra Irene ba Naunil Media iha nia kna’ar fatin EBC Farol, Kinta (12/03).
Nia dehan, merenda eskolár paradu maibé prosesu aprendizajen kontinua la’o nafatin ho diak no professor/a sira kontinua hanorin estudante sira.
Eskola EBC Farol estudante hamutuk nain 2,586 husi primeriu anu (1) to’o nonu anu (9), profesores hamutuk 54, kontratadu nain 6 no volontario 1. Fte