DesportuFEATUREDIkus LiuNews

Tebe Sai Boavista Timor, Lalenok Hakat ba Final Copa FFTL 2020

Fahe Tutan

Naunil Media (Díli), Lalenok United susesu hakat uluk ba Final Copa FFTL 2020 hafoin hanehan Boavista FC Timor ho score 3-2 iha Qurto Finais, mak hala’o iha Estadiun Municipal Díli, Tersa (20/10).

Duelo entre ekipa rua iha Stadion Municipal Díli, inísiu jogu Primera Parte ekipa rua kontra atake ba Malu, no jogu foin hala’o Minutu 2 Paulo galy lori Lalenok United lidera ho eskor 1-0.

Jogador mediu ho númeru kamizola 21 ne’e marka golu hafoin pintas tia guarda rede Boavista Fc no susesu fura rede Bovista Fc. Score 1-0 halo jogu kontinua manas liu tan Boavista Fc foin responde iha Minutu 26 liu husi jogador João Soares hodi halo empata score ba 1-1.

No tama ba iha Minutu 29 Lalenok United lideransa fila fali hafoin jogador Hermenio de sousa marka Golu husi fora da area de baliza no muda score ba 2-1.

Molok atu termina jogu Primeira parte Lalenok United aumenta tan golu ida hodi muda aumenta score ba 3-1 liu husi jogador Elias Mesquita ho nune’e to’o termina jogu primeira parte Lalenok United mantein ukun ho score 3-1.

Kontinua ba Segunda parte Ekipa Boavista FC konsege marka golu ida hodi hamihis score ba 3-2 iha minutu 61 liu husi jogador  Francyatma kefy.

Ho Golu ne’e la iha tan golu ruma akontese to’o termina jogu segunda parte vitória ba Ekipa Lalenok United ho score 3-2.

Husi rezultadu ne’e lori Ekipa Lalenok United Fc hakat uluk ba Final Copa FFTL no sei hein jogu entre Assalam Fc ho AD SLB Laulara.

Enkuantu Baovista Fc obrigadu tenke elimina husi Copa FFTL 2020 ne’e. Ekipa kobertura.

Leave a Reply

Your email address will not be published. Required fields are marked *