KHUNTO Husu Governu Esplika Prosesu Kuarentena

Fahe Tutan

Naunil Media (Díli), Xefe Bankada Partidu Kmanek Haburas Unidade Nasionál Timor Oan (KHUNTO), Deputada Olinda Guterres husu Governu konstitusionál da-ualu atu esplika prosesu kuarentena, tanba dadaun ne’e sidadaun Timor oan no estranjeiru sira kontinua tama mai teritóriu Timor-Leste.

“Hau simu SMS, iha fronteira ne’eba ema tama mai barak los, mas kuarentena ne’e iha ne’ebé los, sebele esplika ba públiku”, Xefe Bankada KHUNTO, Olinda Guteres, liu husi nia intervensaun polítika iha plenaria estra ordinaria, iha Parlamentu Nasionál, Kinta (30/07).

Deputada Olinda, husu oinsa Governu ninia servisu ba dadaun Timor oan sira mai husi rai-liur ne’ebe antes ne’e kumpri ona kuarentena.

“Henesan iha Australia, iha nasaun liur sira kuarentena iha ne’eba ona ne’e sira tama mai ne’e kuarantena tan ka auto kuarantena de’it”, reprezentante povu iha Uma Fukun Parlamentu Nasionál, Olinda.   

Hatan ba preokupasaun ne’e, Ministru Asuntu Parlamentar no Komunikasaun Sosiál (MAPKOMS), Francisco Jeronimo, hateten kada semana iha loron Kuarta, odamatan Fronteira loke durante oras rua.

“Sira tama mai tenke la’o tuir nafatin saida mak Governu estabelese, tenke liu husi koridór kuarantena durante loron 14 tuir Organizasaun Mundiál Saúde (WHO-Sigla Inglesh) fó sai”, esplika MAPKOMS, Francisco.

Ikus-liu, Ministru Francisco dehan, inform aba ba embaixada Timor-Leste nian nasaun viziñu sira, kualker sidadaun sira mak tama mai rai laran sei la autoriza tanba hakarak halo prevensaun ba virus global Surtu COVID-19. Uar

Leave a Reply

Your email address will not be published.