EBC Nú.03 Lulira Preparadu Realiza Ezame Segundu Trimester
Naunil Media (Lautém), Eskola Ensinu Báziku Central (EBC) Númeru 03 Lulira iha Postu Administrativu Lospalos Villa, Munisípiu Lautém, dadaun ne’e preparadu atu realiza ezame segundu trimester ba estudante sira.
Direktór EBC No.3 Lulira, Lorenco Fernandes, informa dadaun ne’e pontu sira ezame segundu trimester nian perepara ona husi professor/a sira, inklui eskola ne’e mos priense ona rekejitu sira prevensaun Surtu COVID-19, maske tuir informasaun husi Servisu Edukasaun Munisípiu Lautém, ezame sei akontese fali iha fulan Setembru tinan ne’e.
“Pontu de ezame tinta ho foto kopia sira preparadu, professor sira mos estruturadu ona atu atende ezame faze daruak nian”, Direktór EBC No.3 Lulira, Lorenco Fernandes, ba Naunil Media iha nia kna’ar fatin, Kinta (30/07).
Direktór EBC No.3 Lulira, Lorenco Fernandes, hatutan dadaun ne’e Profesor/a sira servisu maka’as ba estratejia ho metodu oi-oin, atu adkire hodi rekupera fila fali motivu COVID-19.
“Durante fulan rua ne’e feriadu, bele influensia ba estudante sira nia aprendizajen ho professor/a sira nia ensinamentu”, tenik Direktór EBC No.3 Lulira, Lorenco Fernandes.
Ikus-liu, Direktór EBC No.3 Lulira ne’e dehan, eskola refere mantein kumpri regra sira husi Ministriu Saúde.
“Mantein distansiamentu fíziku no fase liman bebeik uza nafatin maskra, bainhira tuir prosesu aprendijazen. EBC Nú.03 Lulira, estudantes hamutuk 1.690, professor/a feto-Mane hamutuk 67 no inklui ona professor kontratatu. Latu
