Rekrutamentu F-FDTL Foun Sei Anunsia Iha Fulan-Agustu
Naunil Média (Dili), Xefí Estadu Maiór Jeneral das Falintil Forsa Defeza Timor-Leste (F-FDTL) Tenente Jeneral Lere Anan Timur, hateten rekrutamentu membru F-FDTL sei Anunsia iha fulan agustu.
Tenente Jeneral ható lia hirak ne’e ba Jornalista sira hafoin remata enkontru regular ho Prezidente Repúblika Francisco Guterres “Lú Olo” iha palásiu Prezidente Nicolau Lobato Bairru Pite Kuarta, (21/07).
“Kona-ba situasaun militár di’ak prosesu rekrutamentu atu selesaun ba rekrutamentu sira ne’ebé Corona ida ne’e mak seidauk mas ne’e nain hira de’it mas ha’u bele dehan katak sé fulan ida ne’e la anunsia pelumenus Agustu anunsia se mak liu no se mak laliu”,dehan Tenente Jeneral Lere Anan Timur.
Tenente Jeneral ne’e hatutan Komisaun rekrutamentu lahalo relatoriu diretamente ba guvernu maibé liu husi nia mak haruka ba guvernu no too agora nia seidauk simu relatoriu ruma husi komisaun rekrutamentu nian.
“Komisaun no ekipa rekrutamentu la halo relatoriu diretamente ba guvernu, liu husi ha’u, ha’u mak sei haruka, maibé durante too agora ha’u mós seidauk simu relatoriu husi komisaun rekrutamentu ninian”, dehan Lere.
Lere hateten Nia foin mak konvoka para orsida lokraik ka ou aban sira aprezenta sira nia relatoriu sira hatama lista kandidatus ne’ebé ke apuradu depois mak sira estuda se mak liu no se mak laliu.
Nia dehan, militár ne’e se mak laliu labele mai dehan tanba saida mak laliu di’ak liu nonok ba toba halo servisu seluk ne’e lá’os NGO ruma, se mak liu, liu ona sé mak laliu, laliu ona ida ne’e so komandu mak hatene, mas ate agora ne’e seidauk tanba foin dadauk ne’e feriadu loron rua tuituir malu ne’ebé orsida lokraik ou aban mak sira hatama lista apuramentu nian ne’e.
Iha biban ne’e Prezidente Repúblika Francisco Guterres “Lú Olo” mós apresia katak sira nafatin kumpri de’it dever no misaun no presiza kondisoens, liu-liu polísia, tanba polísia ne’e mak soe ba fatin fatin balun husi Lospalos soe ba Suai, Suai soe ba Lospalos kondisoens laiha mós problema, tanba ne’e kona-ba ben estar ema nian no kona-ba meus transporte tenke iha, infrastrutura tenke iha buat sira ne’e hotu atu bele sira kumpri di’ak sira nia misaun.*Jos
