Jestaun Ró Nakroma Sabraut, Assanami Sujere MTK Hadi’ak Jestaun Marítima

Fahe Tutan

Naunil Media (Díli), Bankada Partidu Demokratiku (PD) no atual Prezidente PD, Deputadu Mariano Assanami Sabino, hateten Governu liu husi Ministeriu Transporte no Komunikasaun (MTK) presija hadi’ak jestaun Transporte Marítima, liu-liu Ró Berlin Nakroma ne’ebe durante ne’e halo operasaun rute Dili, Oe-Cusse no Atauru.

“Ró Nakroman presiza halo jestaun, kuandu pasajeirus sa’e tenke tuir númeru bilete, presiza halo jestaun ba Ró ne’ebé tula pasajeirus ba Oe-Cusse mai Dili, no Dili Oe-Cusse. Ita presiza trata povu Oe-Cusse hanesan ema, entaun tula ema presiza sukat nia volume, tenke sa’e tuir númeru billete nian”, Deputadu Mariano Assanami Sabino, ba jornalista sira iha Parlamentu Nasionál, Kinta (30/07).

Kona-ba membru sira Polísia Nasionál Timor-Leste (PNTL) no FALINTIL Forsa Defeza Timor-Leste (F-FDTL) ne’ebé karik sa’e Ró ho gratuita, Assanami dehan tenke tuir númeru Bileti ne’ebé iha hodi bazeia ba volume ró nian.

“Ha’u hanoin kona-ba polísia no F-FDTL karik sira la selu Ró, maibé di’ak liu sira nia naran tenke kompletu para sa’e tuir nia númeru no tuir volume ne’ebé iha, tanba tenke trata ema hanesan ema, labele tula ema barak depois ema sena malu iha Ró laran ne’e ladún di’ak”, afirma Assanami.

Ikus-liu, líder PD ne’e, dehan povu Oe-Cusse la’ós bainaka, depois ema sa’e Ró tenke hadau malu, maibé povu ATONI ne’e partense Timor-Leste nian. Uar

Leave a Reply

Your email address will not be published.