MAPKOMS Kontinua Esforsu ba Subsídiu Jornalista Liña Frente

Naunil Media (Díli), Ministru Asuntu Parlamentar no Komunikasaun Sosial (MAPKOMS), Francisco Jeronimo, deklara sei kontinua esforsu ba direitu subsídiu jornalista sira ne’ebe konsidera liña frente servisu kombate Surtu COVID-19 iha Timor-Leste.

“Direitu ita bo’ot sira nian kontinua, ami defende hodi bele hetan solusaun ikus, to’o iha ne’ebé mos ami sei defende nafatin, jornalista sira ne’ebé mak horbainhira halo ona validasaun no haruka ona ba Misistériu Finansas”, MAPKOMS, Francisco Jeronimo, ba jornalista sira hafoin plenária estra ordinária, iha Parlamentu Nasionál, Kinta (30/07).

Ministru Francisco esplika, seidauk bele selu jornalista sira liña frente tanba problema iha tékniku relasaun ho dekretu lei, maibé ne’e papél MAPKOMS, kontinua esforsu sedu ka tarde tenke selu.

“La’os problema buat seluk, maibé problema tekniku em relasaun ho interpretasaun ba dekretu lei, tanba ne’e hau hanesan minsteriu tutela ba ida ne’e, hau sei hakas-án koalia nafatin ba Ministériu Finansas, se dehan presiza resolusaun hau hanoin ami rua sei halo rezolusaun ida lori ba konselu ministru hodi halo pagamentu ba jornalista sira ne’ebé mak front line, neneik ka lalais governu sei halo pagamentu”, tenik Governante ne’e.

Ministru ne’e dehan, sei aprezenta asuntu ne’e iha reuniaun Konselu Ministru mak akontese iha kada Kuarta-feira.

“Hau hanoin MAPKOMS sei aprezenta, ba ita jornalista sira nia direitu sempre defende, kona-ba subsídiu pursentu 60 (%) ba media na’in, ne’e reponsabilidade ba institutu nasionál seguransa social. Idak-idak iha nia posizaun empreza sira ne’e hotu inklui mos nain ba media sira hotu, tanba sira maka fó servisu ba trabaladór, sira (empregadór) mak rezolve. Uar