CAC-FONGTIL: Ezekusaun Orsamentu COVID-19 Tenke Ho Trasparante
Naunil Media (Díli), Komisaun Anti Korupsaun (CAC-Sigla Português) no organizasaun Forum ONG Timor-Leste (FONGTIL) husu ba governu atu halo ezekusaun orasamentu Surtu COVID-19 nian ho didi’ak, tenke iha transparante, akuntabilidade no responsabilidade.
“Ohin CAC no FONGTIL hala’o reuniaun hodi haree ba orsamento ne’ebé Parlamentu Nasionál (PN) aprova ba COVID-19, ba governu hodi halo prevensaun”, Komisáriu Komisaun Anti Korupsaun, Sergio Hornai, ba jornalista sira hafoin enkontru ho FONGTIL iha edifisiu CAC Farol, Sesta (08/05).
Komisáriu Sergio, husu “governu ezekuta orsamentu tenke uza ho finalidade di’ak ba povu no nasaun ho transparante. Akuntabilidade, responsabilidade no presija hetan fiskalizasaun hosi instituisaun estadu hanesan CAC, Tribunal Rekursu, Sosiedade Sivil, Prokuradór Jerál Repúblika, Inspektur Geral no Media sira”.
Iha fatin hanesan Direktur FONGTIL, Daniel Marçal, hateten ezekusaun orsamentu ne’e CAC no FONGTIL presiza tau matan, nune’e garante iha nia implementa bele tuir dalan.
“Atu haree ba orsamentu ne’ebé Parlamentu Nasionál aprova ba COVID-19 ho montante Millões $250, CAC no Fontil nia papel importante hodi tau matan ba ezekusaun orsamento ne’e”. dehan Daniel. Dul/Fet
