Tauk COVID-19, Inan Grávida Nain 20 Hosi Díli Ba Partu Iha Gleno
Naunil Media (Díli), Porta voz Sentru Integradu Jestaun Krize (CIGC-Sigla Português, dra. Odete da Silva Viegas, informa inan grávida (isin rua) nain 20 mak ba partus iha Sentru Saúde Gleno Munisipiu Ermera, tanba tauk Surtu COVID-19.
Porta voz CIGC dra. Odete da Silva Viegas, ba jornalista sira iha Sala Situasaun, Centro de Convenções de Díli, Sesta (08/05).
“Iha pasiente balun hosi Dili nomos hosi munisipiu seluk-seluk ba partu iha Ermera Gleno. Hau hakfodak oituan, tamba saida mak sira tenke to’o iha ne’eba ?, Ida ne’e signifika sinal di’ak, maske situasaun ne’ebe ema hotu-hotu tauk maibe sira fo nafatin fo inportansia bo’ot ba sira nia saúde, liu-liu inan isin rua sira ne’ebe mak atu partu. Sira iha ne’eba por volta 20 pessoas mak ba partu iha munisipiu Eremera”, hateten porta voz CIGC, dra. Odete da Silva Viegas.
Porta voz dra. Odete da Silva Viegas mos deklara, hosi loron 06 Marsu to’o inísiu Maiu ne’e kazu pozitivu nain 24, rekopera nain 17 sei iha fatin izolamentu nain hitu no rekopera kazu provavel nain haat. Uar
