Solusiona Impase Polítiku Rai-Laran, PD Prontu Apoiu Governu

Fahe Tutan

Naunil Media (Díli), Prezidente Partidu Demokrátiku  (PD), Mariano Sabino ‘Asanami’, deklara atu solusiona impase polítiku rai-laran durante tinan tolu iha Timor-Leste (TL), PD prontu fó apoiu ba kualker governu ne’ebé mak atu ukun.

Prezidente PD, Mariano Sabino ‘Asanami’, ba jornalista liuhosi komunikadu imprensa iha Sede Paritidu Kolmera,  Kinta  (07/05).

“Hanesan ita hotu hatene, ohin loron kontinua iha impasse polítiku ne’ebé la’o durante tinan tolu nia laran. Ita haree dadaun ne’e surtu COVID-19 ne’ebé atake mai ita, hamosu impase ekonómia no mosu komunikasaun polítika sosiál kulturál ne’ebé mak estraga hotu, tamba ho impasse polítika ne’ebé naruk tebes”, hateten eis Ministeru Agrukultura e Peskas no atual deputadu lejislatura da-lima, Mariano Asanami.

Deputadu V legislatura, Asanami dehan, diálogo entre patidu polítika  sira kontinua la’o naftin, valoriza  no tau aas digniade líder sira nian, hodi ka’er ukun nasaun ne’e bele la’o ba oin ho di’ak.

Líder jerasaun kontinuadór ne’e hateten, “PD nafatin foti aas maun Bo’ot Kay Rala Xanana Gusmão, Marí Alkatiri, Ramos Horta, Prezidente Prezidente (PR) Francisco Guterres ‘Lú Olo’, Primeiru Ministru (PM) Taur  Matan Ruak,  no Jenerál Lere Anan Timur. Sira ne’e hanesan líder sira sai aset ba estadu, husu nafatin iha komunikasaun no diálogu hodi serví ba povu no ukun atu servi ita nia rain”.

Presidente partudu Demokratiku ne’e husu ita atu aselere lalais ona governasaun ne’ebe ho  estavel hodi kontinua ba oin, nune’e bele iha ona Orsamente Jerál Estadu (OJE) sustenta rai doben Timor-Leste.

“Hakotu ona ita nia impase polítiku, hadia ita nia ekonómia, liu-liu oinsa atu rekopera ita nia ekonómia, fortalese fali-fali ita nia komunikasun polítiku ligasaun ne’ebé di’ak, entre órgaun sobernia hotu-hotu, para atu Timor-Leste ida ne’ebé forte, servi nia povu hodi bele hakmatek”, tenik Asanami

Lideransa partidu ne’e kompromete, PD prontu fó apoiu tomak no reforsa ba governu ne’ebé deit maka atu kaer ukun.

“PD ho estrutura tomak  hamutuk para reforsa governu ida ne’ebé de’it maka mosu no  ami sei fó apoiu tomak ba governu atu bele hadia ita nia ekonómia, hadia ita-nia polítiku rai laran”, afirma Nia.  

Ikus liu, Asanami apela ba kuadru militante sira PD hotu-hotu, nafatin  sólidu, nafatin servisu maka’as no tau kakutak hamutuk nu’udar Partidu Demokrátiku”. dehan Nia. Jjf

Leave a Reply

Your email address will not be published.