Jerasaun Manumata Desnkorda “Abilio” Lori Uma Lisan Ba Interese Privadu
Naunil Média (Díli), Jerasaun Uma Lisan Bidau Manumata la konkorda Abilio Lima hakarak pudera foho bidau manumata ne’ebé pertense ba proprietariu kultural jerasaun Bidau nian ba nia interse privadu.
“Aktu ne’e viola valores kulturais sosiedade ida nian, Tanba ne’e ami jerasaun Bidau manumata ne’ebé hambrik iha deklarasaun nia kotuk kestiona orijinalidade Abilio Lima nian nu’udar jerasaun Bidaun Manumata.” Dehan Porta Voz Filipe Robrigues Pereira, iha Komunidau Impresa ba jornalista sira, sede suku Bidau Santa, tersa (28/07)
Nia haktuir, Durante komunika ho jerasaun Bidau Manumata seluk, Abilio Lima hatudu liu nia arogansia duke rona jerasaun maioria nia opiniaun.
“Ami mós desmente desmente deklarasaun Abilio nian katak komunidade sunu uma lisan loron (17/06/2021), Maibé komunidade Bidau Manumata la’os sunu uma lisan sunu ai-rin ha’at nó ai-laras ne’ebé uza hodi halo uma lisan verasaun AbiliO Lima nian komunidade sunu materiais atu halo uma lisan hamutuk dala rua ona,”Tenik nia.
Filipe haktuir, Abilio Lima laiha lejitimidade kultural atu enkaixa a’an nu’udar elementu prinsipal ida iha uma lisan/Uma lulik bidau Manumata.
“Autoridade lokal Postu nó Munisipiu atu hapara total konstrusaun uma lisan/ Uma lulik bidau manumata ne’ebé Abilio Lima halo mesak-mesak nó kontinua halo kontrusaun ba uma lisan refere, tuir bajeia ba akordu ne’ebé iha, Ka halo konstrusaun uma lisan tuir matadalan ne’ebé familia nó jerasaun Bidau Manumata asina nó konkorda ona,” Nia husu.
Porta voz ne’e hateten, Bainhira problema ne’e seida’uk hetan solusaun husu atu Abilio labele marka prezensa iha foho Bidau Manumata atu nune’e bele prevene konflitu iha suku Bidau Santana.
Nune’e autoridade seguransa Polisia Nasionál Timor-Leste (PNTL), Atu fó protesaun ba komunidade jerasaun Bidau Manumata hotu ho medidadas prevensaun atu nune’e labele hamosu konflitu iha suku Bidau Santana, liga uma lisan Bidau manumata.
Nia mós deklara atu jerasaun Bidau Manumata tenke tau iha hanoin uma lisan uma lulik Bidau Manumata ne’e “ Ida ba jerasaun Manumata hotu” Labele fó fatin ema id aka grupu koko apudera fo’o lulik Manumata ba interese privadu. Del/Jhon
