Iliomar Oan Ejije Ministra Odete Investiga Estrutura Saúde Munisípiu Lautém
Naunil Media (Díli), Kinta (30/07) ne’e, liu husi konferensia imprensa iha Peace Coffee Kolmera, Klibur Estudante no Juventude Postu Administrivu Iliomar, Munisípiu Lautém ejije ba Ministra Saúde (MS), Odete Maria Freitas Belo, atu loke investigasaun hasoru estrutura Servisu Saúde Minisípiu Lautém, tanba deskonfia manipula prosesu destribuisaun kareta ambulância.
Porta-voz, Klibur Estudante no Juventude Postu Administrivu Iliomar, Ernesto Barreto, ejijé ba Ministra Odete Belo atu loke prosesu investigasaun ba estrutura saúde Munisípiu Lautém, liu-liu diresaun ambulância atu fó esplikasaun ba ambulância multi-funsaun ne’ebé tuir lolos fó Sentru Saúde Iliomar, maibe entrega fali ba Sentru Saúde Postu Administrativu Luro.
“Ami sente Servisu Saúde Munisípiu Lautém halo diskriminasaun bo’ot hasoru komunidade Postu Administrativu Iliomar, tamba tuir deklarasaun ne’ebé ami asesu liuhusi jornál iha momentu entrega kareta ambulansia ba munisípiu sira, ambulansia ida atu entrega ba Sentru Saúde lliomar, maibé infelizmente entrega fali ba Sentru Saúde Luro”, lamenta porta-voz, Ernesto Barreto.
Tuir porta-voz ne’e, atitude estrutura Servisu Saúde Munisípiu Lautém ne’e, hatudu dezobediensia ba desizaun Governu Nasionál iha tempu Eis-Vise-Ministra Saúde ba Asuntu Kuidade Saúde Primaria, Élia A. A dos Reis Amaral.
Ernesto Barreto, afirma estrutura Servisu Saúde Munisípiu Lautém labele hatudu aktu diskriminasaun hasoru komunidade Postu Administrativu Iliomar, no atu labele repete aktu ne’ebe hanesan ba postu seluk.
Porta-voz ne’e husu Parlamentu Nasionál (PN) atu bolu Ministra Odete hodi halo esplikasaun iha Uma Fukun Parlamentu Nasionál, kona-ba servisu saúde em jerál no liu-liu servisu ambulansia iha Munisípiu sira no Postu Administrativu sira.
“Ami ejije ba parlamentu nasionál bolu Ministra Saúde, Odete Maria Freitas Belo ho nia Vise-Ministru Saúde atu hatan iha Uma Fukun hodi halo esplikasaun kona-ba problema ambulansia, tanba dezde Dezembru tinan 2019 ambulansia avaria totál no paradu to’o ohin loron”, sujere porta-voz ne’e.
Nia informa, ho situasaun ne’e obriga komunidade sira tenke aluga de’it kareta privadu hodi tula pasiente ba Sentru Saúde Internamentu Nível II Lospalos Villa atu hetan tratamentu. Fet
