Akuza Simu Subornu, Mandati : Marí Alkatiri Hatan Ona iha Tribunál
Naunil Media (Díli), Deputadu Davíd Dias Ximenes ‘Mandati’, hateten akuzasaun hasoru Eis-Primeiru Ministru no atuak Sekretáriu Jerál (SekJer) FRETILIN, Marí Bin Amudi Alkatiri kona-ba simu soburnu husi kompañia ConocoPhillips U$2.5 millaun ne’e, ne’e nia (Marí Alkatiri) hatan ona iha Tribunal Colombia.
Deputadu Davíd Dias Ximenes ‘Mandati’, hateten asuntu ne’e hodi hatan ba deklarasaun porta voz Rejistensia Nasionál Defende Justisa no Konstituisaun Repúblika Demokrátika Timor-Leste (RNDJ-K-RDTL), Ángela Freitas, ne’ebe husu Eis-Primeiru Ministru (PM) no Sekretáriu Jerál FRETILIN, Marí atu esplika ba públiku kona-ba simu subornu simu U$2.5 miliaun husi ConocoPhilips.
“Buat ida ne’e uluk lori ona ba iha tribunal Colombia, no Oceanic Exploration mak ba keixa katak kamarada Marí Alkatiri simu subornu husi komapañia ConocoPhillips. Ida ne’e tama ona ba polítika hodi hamate ema ida nia karkter, depois povu atu labele fiar nia (Marí Alkatiri) para ema labele vota ba partidu FRETILIN”, David Dias Ximenes ‘Mandati’, ba Naunil Media, hafoin hala’o kontaktu eleitoral partidu FRETILIN, iha Aldeia Kakeu Laran, suku Becora, postu administrativu Cristu Rei, Domingu (06/07).
Deputadu Mandati, hatete akuzasaun husi RNDJ-K-RDTL hasoru Marí Alkatiri ne’e seidauk tama ba kategoria krime maibe denunsia kalomioza.
Antes liuhusi deklarasaun polítika iha plenária uma fukun Parlamentu Nasionál, bankada FRETILIN, Deputadu Joaquim Dos Santos, esplika dokumentu akuzasaun ne’ebé kompaña Oceanic Exploration/Petrotimor lori ba Tribunal hasoru kompaña ConocoPhillips, tamba sira akuza ConocoPhillips fó osan subornu ba Marí Alkatiri hamutuk $2.5 millaun.
Keixa ne’e kompaña Oceanic Exploration/Petrotimor hato’o ba Tribunal supremu Australia nian iha tinan-2001. Iha loron 3 fulan Fevereiru tinan 2003, Tribunal Supremu Australia nian rejeita tiha keixa ne’e tamba laiha evidensia. Fet
