Konsellu RF Husi Yasinta, Konsidera Akuzasaun Husi Fundador RF Laloos

Naunil Media (Dili), Portavoz husi Konsellu Redi Feto Manuel dos Santos, İnforma, deklarsaun husi Fundora Judite Dias Ximenes hodi hatete Prezidente Yusinta Abusu poder ne’e Laloos.

Konsellu husi prezidente Sesante Redi Feto Yasinta lusina, deklara asuntu ne’e hodi responde ba deklarasaun antes husi Fundadora redi feto ne’ebé lansa iha media katak, desizaun hasai Yasinta husi prezidenti Redi Feto tanba komete abuzu poder.

“Rede Feto Timor-Leste ne’ebé lidera husi Prezidente Yasinta Lusina husi periodu 2020-2024, rezeita total akuzasaun husi Fundadores Rede Feto. Ami hakarak deklara ba públiku katak, ami rezeita total akuzasaun ne’ebé hato’o husi pessoal hirak hanaran “Forum das Fundadores de Rede Feto”, dehan Porta Voz Manuel Dos Santos liu husi konferensia imprensa iha salaun Rede Feto, Obrigada barak Caicoli, segunda (29/03).

Manuel hatutan, Konsellu Diretoria Rede Feto Yasinta antes ne’e hetan fiar husi AJM Rede Feto hala’o papél no kompetensia sira ne’ebé preve ona iha estatutu Rede Feto iha sub-kapitulu II artigu 27 ne’ebé aprova ona iha AJM Rede Feto Timor-Leste iha loron 1 Outubro 2020.

“Iha artigu ne’e mós, fó kompetensia ba Konsellu diretora hodi foti desizaun apropriadu ba iregularidade ne’ebé akontese iha Sekretariádu Rede Feto. Tanba ne’e, Bainhira asaun hirak konsellu diretoria foti hodi hala’o fiskalizasaun no foti medida ruma ba iha asuntu hirak ne’e, laos Abuzu de Poder” Manuel deklara.

Portavoz ne’e dehan, Konsellu Diretoria nu’udar reprezentante Membru Organizasaun Rede Feto, iha reponsabilidade atu aktualiza informasaun ba membru Rede Feto kona-bá situasaun ne’ebé akontese iha Sekretariádu Rede Feto, nune’e iha loron 26 fulan Fevereiru tinan 2021 hala’o enkontru assembleia membru hodi aprezenta no atualiza ba membrus kona-bá prosesu no desizaun sira ne’ebé Konsellu hala’o ona. Laos deklara sai Redi Feto nia Aat.

“Asembleia fo nafatin konfiansa tomak ba konsellu Diretoria hodi hala’o nia papel no kompetensia ne’ebé preve iha Estatuta Rede Feto hodi asegura funsionamentu Sekreteriadu Rede Feto atu implementa projetus/programa tuir planu ho prinsipiu ne’ebé garante boa Governasaun iha Institusaun ho Transparansia no Akuntabilidade”.

Nia hatutan, Iha enkontru aseimbleia ne’e mós hamosu Rezolusaun ho desizaun importante sira hanesan kondena no rejeita karta husi “Forum das Fundadores de Rede Feto” ba Konsellu Rede Feto data 25 Fevereiru 2021, ho asuntu Konjelamentu Sekreteriadu Ezekutiva no Konsellu Diretora, tanba Forum dos Fundadores de Rede Feto tau sira nia An nu’udar Nain ba Rede Feto Timor-Leste.

Manuel konsidera, karta husi forum ne’e hetan reajen husi asembleia hodi rezeita karta refere tanba la refleta iha estatutu Rede Feto. asembleia konsidera forum ne’e ilegal tamba iha Statutu Rede Feto aprovadu iha AJM fulan Outubro 2020 tanba ne’e La eziste no la rekoñese “Forum dos Fundadores de Rede Feto”.

la konkorda, la eziste termu fundador nu’udar nain ba Rede Feto, tanba instituisaun Rede Feto laos kompaña lda, hodi fo kompetensia ba fundador halo desizaun ruma no la mensiona meius desizaun hanesan Konzela Sekretariadu Exekutivu no Konsellu Diretoria Hanesan publikasaun iha Timor-Post Online data 27 de Marsu 2021 katak hala’o ona Asembleia Membru Extraordidriu Rede Feto iha, ida ne’e laiha konesementu husi Konsellu Diretoria

“Ate agora mós Konsellu Diretoria seidauk simu proposta husi 23 membrus organizasaun hodi husu atu realiza Asembleia Extraordinaria atu diskuti assuntus urjentes ruma tuir nesesidades ka atu solusiona asuntus importante ruma.
Nia deklara aktu hirak “Forum dos Fundadores de Rede Feto” hatudu momos katak sira halo abuzu de konfiansa, ignora no Ia respeita Asembleia Jeral Membru Rede Feto iha Outubro 2020 ne’ebé mak hanesan autoridade supreme, no mós viola Estatutu Rede Feto aprovadu iha Asembileia Jeral membru Rede Feto”

Iha fatin hanesan, prezidente Yasinta Lusina hatutan, Iha publikasaun ne’ebá ema halo akuzasaun ba konsellu Diretoria katak halo abuzu poder, tanba ne’e atu dehan katak servisu ne’ebé sira halo bazeia ba estutu ne’ebé fo kompetensia ba sira, tanba ne’e wainhira mosu preokupasoens ka iregularidade ruma ne’ebé maka akontese, tanba ne’e tenki foti asaun .

“los ne’e problema internal no organizasaun hotu hotu hasoru problema, tanba ne’e iha problema ne’ebé presiza buka tuir tanba ne’e maka papel husi ami konsellu hodi fiskaliza husi preokupasoens ne’ebé maka iha, Lolos buat sira akontese ne’e atu dehan katak asuntu administrativu, Maibé lapresiza atu devia atu konsidera abuzu poder,” dehan nia.

Nia afirma sira sente triste tebes, iha situasaun hanesan ne’e, maibé mosu tan akuzasaun ne’ebé la merese atu fo, tanba servisu ne’ebé sira halo bazeia ba preve estatuta fo kompetensia nune’e sira sai hanesan mata dalan hodi hala’o servisu.

Nia haktuir, antes ne’e mós Organizasaun membru no fundador sira organiza asembleia extra-ordinária hodi hili Zelia Fernandes ba Prezidente Redi Feto foun ho rajaun, Pezidente sesante Yasinta Lusina nia lideransa akujadu paraliza funsionamentu normal iha RFTL, halo abuzu podér, konflitu interese, la promove, la defende, la dignifika, hamonu no hafoer RFTL iha públiku ho konsientemente no ho propózitu.
Redi feto hanesan organizasaun ida ne’ebé hahu hari’i iha loron Sanulu Fulan Marsu 2000. Hodi sai hanesan Mahon ida ba feto sira*jos