Komandu Munisípiu Díli Koloka PNTL 660, Hodi Seguransa Eleisaun iha-Díli
Naunil Media (Díli), Komandu Polísia Nasionál Timor-Leste (PNTL), Komandante Komandu PNTL Munisípiu Díli, Superintendente Xefi Polísia, Henrique da Costa deslokasaun forsa seguransa hosi Eskuadra 6 hamutuk ho Unidade Kuartelada tolu (3) UEP, UPM, no UPF hodi fó seguransa ba eleisaun prezidensiál iha loron 19 Abril 2022 la’o ho hakmatek no seguru.
“Imi hotu sei desloka ba sentru votasaun iha Díli laran hodi asegura sidadaun tomak bele ezerse sira nia diretu demokratiku nian livre hodi hili kandidatu prezidente. PNTL nia servisu mak ida ne’e duni tuir konstituisaun tanba iha konstituisaun rasik mos hatete katak PNTL ne apartidaria, signifika ita la bele inklina an iha partidu maibe ita iha direitu ba vota”, dehan Henrique da Costa, perante nia diskursu iha Komandu PNTL Munisípiu Díli, domingo (17/04).
Niaa hatutn, Preparasaun no fó orientasaun hodi sai hanesan bukae ida ba membrus sira atu ezekuta servisu ho di’ak iha terenu.
Durante semana rua nia laran PNTL kontinua fó seguransa ba atividade kampaña segunda ronde ba kandidatu prezidente nian no agora kontinua tama ona ba loron importante mak hanesan loron votasaun nian, Nia haktuir.
Husu ba membru sira asegura material sensitivu to’o dader hodi kontinua ba eleisaun, depois eleisaun remata sei akompanha material sira ne’e fila mai STAE Díli, nia hakotu. Ana
