Padre Augusto: Jesus Fase Nia Eskolante sira Nia Ain, Nia Hakarak Servi Malu
Naunil Media (Maubara), Padre Paroquia São José Maubara Augusto Hermelindo haktur, Jesus fase Nia eskolante sira nia ain, Nia hakarak hadomi mak asuntu importante mak servi malu iha ita nia moris.
“Kinta Feira Santa koñese mós Selebrasaun Domin, Jesus fase Nia eskolante sira nia ain, Nia hakarak hadomi mai ita asuntu importante mak servi malu, no suportamalu iha ita ninia moris, servi malu no suportamalu dala ruma la’os asuntu ne’ebé fasil atu ita implementa, maibé Jesus hatudu ona ezemplu no dalan mai ita”, dehan amo selebrante Augusto Hemelindo iha misa Kinta Feira Santa iha Paroquia São José Maubara, (14/04).
Nia hatutan, Problema ba ita mak ne’e ita hakarak ka lae, kuandu ita hadomi Nai Maronmak mak ita tenke brani atu servi fahe ita nia domin ba maluk sira, hanesan Kinta Feira Santa han kalan hamutuk ikus nian, Jesus hamutuk ho nia eskolante sira, Jesus fahe paun ba Apostolu sira, ita mós tenke pronto hafahe an ho fuan ba ita nia maluk sira.
Hanesan iha segunda Leitura ita rona ohin São Paulo Nia surat hato’o ba povu Corinto kona-bá saida ne’ebé Jeseu halo molok atu terus, ‘Jesus kaer thia paun haraik bensaun silu thia dehan, ne’e ha’u isin ne’ebé saran ba imi, halo thia Jesus foti Kalise dehan ne’e Kalise ha’u ran nian, ran moruk foun nian, Nia haktuir.
Ida ne’e katak Jesus fó hanoin se mak han paun ida ne’e, no hemu Kalise ida ne’e sei hnoin ha’u, Nia haklaken ba povu tomak ha’u Nia mate no loron hit an fila hikas mai, liafuan Jesus Nian sira ne’e hakarak hatudu mai ita sarani katak, Jesus prontu ona oferese fahe nia an tomak ba salvasaun ema iha mundu tomak. Nia hakotu.
Iha selebrasaun misa Kinta Feira Santa ne’e amo Bispu Dioseze Maliana Dom Norberto do Amaral, madre sira hamutuk ho sarani sira iha Paroquia São José Maubara. Lop
