FEATUREDIkus LiuNewsSaude

COVID-19 : EUA-UNICEF Apoiu Ekipamentu Prevensaun Item-15 ba SSK

Fahe Tutan

Naunil Media  (Díli), Tersa (28/07) ne’e, Estadus Unidus Amerika (EUA)  iha Timor-Leste (TL) ho UNICEF apoiu ekipamentu prevensaun COVID-19 nian ba Sentru Saúde Komoro, Díli hamutuk ho item sanolu resin lima (15).   

Ekipamentu ne’e direitamente entrega husi Embaixadór EUA iha Timor-Leste, Kathleen Fitzpatrick no akompaña husi reprezentante UNICEF iha Timor-Leste, Valérie Taton, iha ne’ebe fasilidade refere simu husi Diretóra Saúde Munisípiu Díli nian Agostinha Segurado no Prezidente Autoridade Munisípiu Díli Gaspar Soares inklui resonsável Sentru Saúde Komoro.

Ekipamentu item-15 ne’e mak hanesan hand sanitizer 12, liquid hand soap 120, tissue haris fatin 300, liquid hamoos vidru 30, waste plastic bag medium 30, waste plastic bag large 18, heavy duty gloves hamutuk 20, rubber boats 10, plastic buchet 5, rubbish bin small 3, garbage bin with two wheels 2, bucket mop 5 no seluk-tan.

Embaixadór EUA iha Timor-Leste, Kathleen Fitzpatrick, informa EUA fó ona doasaun U$1.7 ba Timor-Leste hodi halo prevensaun COVID-19.

“Ami nian parsesia ho UNICEF ajuda haforsa prevensaun infeksaun no kontrolu iha fasilidade Saúde sira no Projetu ne’e sei asegura katak pesoal saúde, pasiente sira no vizitante sir abele maneja virus ne’e no mikróbiu sira-seluk liu husi fase liman bebeik”, tenik embaixadóra Kathleen Fitzpatrick.

Kathleen Fitzpatrick, kongratula Governu Timor-Leste liuhusi Ministériu Saúde tanba servisu maka’as mak konsege halo ona prevensaun moras global mundiál Surtu COVID-19.

Dadauk ne’e maski Timor-Leste livre husi virus global Surtu COVID-19, maibe Kathleen Fitzpatrick, huu ba Timor-oan hotu mantein halo prevensaun no ijiene liuhusi fase liman bebeik, mantein distánsia social, fízikun no uza maskra.

Iha sorin seluk, reprezentante UNICEF iha Timor-Leste, Valérie Taton, hateten Timor-Leste presiza nafatin halo prevensaun, tanba moras ne’e sei kontinua rejista maka’as iha nasaun viziñu hanesan Indonézia no seluk-tan. Dul/Ina

Leave a Reply

Your email address will not be published. Required fields are marked *