Livre Husi COVID-19, PM Taur : Grasa Maromak Nian Salva Povu TL
Naunil Media (Díli), Primeiru Ministru (PM), Taur Matan Ruak, informa Timor-Leste (TL) livre ona hosi Surtu COVID-19, ne’e agrasa bo’ot husi Maromak nian hodi salva povu hosi moras mundiál ne’e.
“Estadu emerjénsia ba da-toluk remata ona, maibé Timor-Leste to’o ohin loron la rejistu kazu foun ba pandemia COVID-19. Grasa Maromak nian tulun hodi Timor livre ona hosi COVID-19”, PM Taur Matan Ruak, ba jornalista sira hafoin abertura relatóriu husi Sala Situasaun nian, Sentru Integradu Jestaun Krize (CIGC-Sigla Português), iha Mma Fukun Parlamentu Nasionál (PN), Tersa (28/07).
Xefe órgaun ezkutivu, Taur agradese ba parte hotu-hotu ne’ebé fó ninia kontribusaun hodi kombate ba virus mundial Surtu COVID-19 mak afeita to’o mai iha Timor-Leste.
“Governu mai Parlamentu Nasionál (PN), atu apresenta relatóriu iha periodu estadu emerjénsia dahuluk hahú iha 28 fulan Marsu to’o 26 fulan Abríl. Faze da-ruak hosi 28 Abril to’o 26 fulan Maiu. Faze da-toluk hosi 28 fulan Maiu to’o 26 fulan Juñu. Ohin, Governu aprezenta relatóriu livru hamutuk sia (9) ba parlamentu”, haktuir Eis Prezidente Repúblika no atual PM Taur.
Tuir Eis-gerileiru ne’e, Timor-Leste ninia ezijensia alkansa duni objetivu, tanba evita moras COVID-19 ne’ebe daet ba sidadaun Timor-oan.
“Ida ne’e esforsu koletiva mai hosi Timoroan hotu-hotu, inklui parseiru dezenvolvimentu sira hotu ne’ebé mak durante ne’e sira fó apoia maka’as mai ita hodi infrenta situasaun COVID-19”, dehan PM Taur Matan Ruak.
Antes ne’e Timor-Leste rejista duni kazu pozitivu COVID-19 hamutuk nain 24, nune’e Timor-Leste implementa estadu emerjénsia (EE) hodi halo prevensaun ba virus mundiál ne’e durante fulan tolu. Afeita COVID-19 nain 24 hetan fila negativu hafoin liuhusi teste laboratóriu. Lop
