COVID-19 : EBF Eskola Primária Nú.03 Tuana-Laran Prepara Rasik Fasilidade Prevensaun

Fahe Tutan

Naunil Media (Díli), Koodenadór Ensinu Bázika Filiál (EBF) Eskola Primária Númeru 03 Tuana-Laran Vila-Verde, Pedro Manuel Fonseca, laiha fasilidade prevensaun ba estudante sira hasoru moras global Surtu COVID-19, maske Governu deside reactiva prosesu apriendijazen eskola iha teritóriu Timor laran.    

“Prosesu aprendijazen la’o hela no mantein distansia social no ami fahe ba grupu rua. Kada grupu iha estudante nain 20 no nia aktividade apriendijazen ho durasaun semana ida, tuir rekejitu Ministériu Saúde (MS) no Ministériu Edukasaun Juventude no Desportu (MEJD)”, Koodenadór EBF Eskola Primária Nú.03 Tuana-Laran, Pedro Manuel Fonseca, ba Naunil Meda iha nia kanár fatin, Tersa (28/07).

Koodenadór EBF Eskola Primária Nú.03 Tuana-Laran, Pedro Manuel Fonseca, hateten eskola ne’ebé nia lidera ne’e prepara no priense rekejitu MS, Organizasaun Mundiál Saúde (WHO-Sigla Inglesh) no MEJD, to’o agora eskola refere seidauk hetan apoia ruma liu-liu fasilidade prevensaun COVID-19.   

“Profesór/a sira, estudante sira kolabora tebes atu halo prevensaun COVID-19 nian, mantein distansia social maske seidauk iha fasilidade”, tenik Koodenadór EBF Eskola Primária Nú.03 Tuana-Laran, Pedro.   

Koodenadór ne’e esplika, durante ne’e dezen-araska hodi osan nian oituan ne’ebe iha, hodi hola balde, sabaun no seluk-tan.

“Orsamentu ne’ebe mak ami hasai ba hola fasilidade prevensaun COVID-19, ne’e osan husi Ministériu Edukasaun”, akresenta Nia. Ikus-liu, Koordenadór ne’e dehan, minímu liu estudante sira tenke uza maskra no maskra ne’e inan-aman estudante nian mak prepara ba sira nian oan sira. Fet

Leave a Reply

Your email address will not be published.