PN Preokupa Profesor Sira Kontratadu Seida’uk Simu Salariu

Fahe Tutan

Naunil Media(Dili), Deputada Gabriela Alves iha Parlamentu Nasional (PN) preokupa ho profesor kontratadu balu ne’ebe to’o agora seida’uk simu sira nia salariu.

Preokupasaun ne’e Gabriela Alves foti liu husi plenaria iha Uma Fukun Parlamentu Nasional, Segunda (24/02).

Deputada Gabriela Alves, hatete bainhira halo fiskalizasaun ba Munisipiu Covalima, profesor sira kontratadu hato’o lamentasaun tanba to’o agora seida’uk simu.

“Asuntu profesor sira kontratadu ate a data barak mak seida’uk hetan sira nia salariu”, levanta deputada Gabriela Alves.

Deputada ne’e sujere, Governu tenke preve osan ba profesor sira kontratadu, maske la’o ho duodesimu.

“Duodesimu ne’e bele rezolve problema salariu, mas tanba sa? Maka profesor sira kontratadu ne’e balu ate a data lasimu salariu”, hateten Gabriela.

Reprezentante povu iha uma fuku ne’e husu ba portavos governu atu transmiti hela informasaun ne’e ba Ministeriu Edukasaun atu bele fo atensaun.

Nia husu mos ba governu atu halo avaliasaun ba eskola teniku vokasional sira ne’ebe uluk tranferensia husi ensinu sekundaria publiku iha munisipiu sira ne’e.

Portavos Governu Mericio ‘Akara’ hatan ba preokuoasaun hirak ne’e, katak sei tau ajenda para hodi relata ba ministeriu relevanta atu bele responde direitamente. Ivo

Leave a Reply

Your email address will not be published.