Janeiru to’o Juñu 2020, Kazu krimi Hamutuk 744

Fahe Tutan

Naunil Media (Díli), Defensór Jerál, Cancio Xavier, informa husi fulan Janeiru to’o Juñu tinan 2020, Defensoria Públika (DP) akumula kazu krimi hamutuk 744, no prosesu sivíl mak atendementu husi defensoria hamutuk 186.

“Atendementu ne’e la’ós proporá asaun de’it, maibé prosesu mai ami simu hafoin halo mediasaun hodi atende ba prosesu ativu sira mak atu halo julgamentu. Prosesu ativu sira atu halo julgamentu hahú iha loron 6 fulan Janeiru to’o feriadu judisiáriu ne’e totál hamutuk 744 no prosesu sivíl totál hamutuk 186”, Defensór Jeral Cancio Xavier, ba jornalista sira iha nia kna’ar fatin Defensoria Públika, Balide, Tersa (08/09).

Nia hatutan, férias judisiáriu 2020 ne’e estrutura principal, iha sentru kontinua ezerse sira nia kna’ar servisu hodi halo atendementu kazu sira iha munisípiu hanesan bain-bain.

“Antes feriadu judisiáriu ne’e, ami estrutura prinsipal iha sentru hanesan Defensor Jeral, adjunta, inspektóra no sekretáriu superiór sei kontinua servisu hodi asegura servisu sira ne’e no kontinua atendementu iha Munisipiu sira”, hato’o Cancio.

Defensor Jeral ne’e informa, durante férias judisiáriu iha munisípiu Díli   primeru interogariu ( PI ) hamutuk 11 prosesu, krime arma branka 3, krime infantisidu 1, krime uza osan falsu 1,  krime omesidiu tentadu 1, krime abuzu sexual ba Menór idade  3, krime Danu agravadu 2 no  sumariu hamutuk 9 Krime Ofensas Simples  (KOS) 3, krime sem karta kondusaun 3, krime jogu Ilisitus 3, no kaju sivil 1   konsidera hanesan kazu ne’ebé urjente embargu iha proporasaun 1 no iha kontekstasaun 1.

Nia informa liu-tan, iha notifikasaun foun husi Tribunal Suai hamutuk 66, maibé julgamentu kontinuasaun prosesu hamutuk 44 mezmu feriadu, maibé prosesu arkiva hamutuk 8, desizaun hamutuk 2, no notifikasaun ba kazu krime ofensas integridade fízika simples hamutuk 4, krime ameasa 2, sem karta kondusaun hamutuk 2, no violasaun abuju hamutuk 4. Totál julgamentu ne’ebé mak móvel hamutuk 14, iha Maliana prosesu hamutuk 6 no julgamentu iha Suai hamutuk 8 durante férias judisiáriu.

Iha férias judisiáriu ne’e, Tribunal Oe-Cusse, kazu sivil embargo 1, primeru interogatóriu 2 iha tentativa omesidu 1 no violasaun sexual agravada 1. Nune’e mós iha  Tribunal Baucau prosesu sivíl Embargo 1 no kazu violasaun agravadu 1, no Ofensansa integridade fízika simples 2, ne’ebé kazu krime 2 tama iha kazu sumáriu 1 ho primeru interogatóriu 1.

Inkus-liu, Nia dehan, Profesionál férias judisiáriu ne’e lahanesan julgamentu bain-bain, maibé julgamentu kontinuasaun nafatin asegura tanba primeiru  interogatóriu ne’e sei hetan asistensia tanba iha plantonista sira tantu ofisial justisa no Defensor sira. Rit.

Leave a Reply

Your email address will not be published.