PN Fo Votu Pezar Ba Saudozu Lino Ho Saudoza Amitha

Fahe Tutan

Naunil Median (Dili), Reprezentante povu iha uma fukun Parlamentu Nasional (PN), Segunda (24/02) realiza plenaria hodi fo votu pezar ba komandante Unidade Polisia Maritima (UMP) saudozu Lino da Silva Saldanha ho saudoza doutora Amitha nu’udar rekunesementu orgaun estadu nian.

Hafoin diskusaun deputadu proponenti sira ba votus apezar ba saudozo Lino da Silva Saldanha ‘Maus’ ema hakat ba votasaun votus apezar, afavor 46, kontra zero no abstensaun zero.

“Rezultadu votus apezar ba ita nia saudozu Lino da Silva Saldanha, vota afavor 46, kontra zero, abstensaun zero, siknifika ita nia votus apezar ne’e passa aprovadu,”dehan Prezidenti Parlamentu Interinu, Luis Roberto bainhira diriji meda planaria PN, segunda,(24/02).

Entretantu plenaria ne’e, banakda Fretilin, atraves deputadu Agostinho Siqueira ‘Somotxo’ hatete, orgaun estadu da-ruak Parlamentu Nasional, nu’udar orgaun reprezentante povu presiza fo rekunesementu ba saudozo Lino da Silva Saldanha, ne’ebe dedika an ba servisu rejistensia to’o mai ukun kontinua servi iha instituisaun Polisia nasional Tmor-Leste.

“hau hanoin referensia sira ne’ebe ita foti to’o hanoin Parlamentu Nasional ida ne’e rekunese saudozo Lino da Silva Saldanha nia servisu durante funu to’o ukun an nia hanesan komandante PNTL to’o nia is kotu,”dehan deputadu Agostinho Somotxo, iha planaria votus apezar iha uma fukun PN, segunda,(24/02).

Entretantu Deputadu David Diaz Ximenes ‘Mandati’ hatete, kona-ba dadus saudozo komandante UMP, Lino da Silva Saldanha, ne’e presiza halo konfirmasaun didiak para kompleta ho lolo’os atu iha futuru bele valoriza nia jerasaun.

“hau atu dehan katak ema ne’e kazadu ka lae, husik oan nain hira? Ka ladehan iha ne’e,”Deputadu David hatete.

Hatan atu kompleta dadus saudozo Komandante Lino da Silva Saldanha nian, Prezidenti PN interinu, Luis Roberto hatete, depois plenaria halo votus apezar foin maka konsulta malu atu kompleta saudozo ninia dadus.

“karik komplenta saudozo ninia dadus, depois ita halo votus apezar ba ita nia saudozo refere depois ita hadia mos sira nia dadus ruma ne’ebe karik lakompleta, ita kompleta diak liu tan,”Deputadu husi Bakada KHUNTO, Luis Roberto hatete.s

Iha fatin hanesan Deputadu husi bankada PLP, Cornelio Gama ‘L7’ hatete, saudozo Lino da Silva Saldanha, uluk iha tempu rejistensia halo servisu seriu tebes, joven ida ne’ebe badinas lahatene kalan, loron la’o ba servisu klandestina nian.

“nia servisu klandestina ne’e atu kalan ka loron, ami haruka nia ba duni, servisu ho seriu no badinas,”Deputadu Cornelio ‘L7’ hatete.

Entaun nia husi ba meza presiza hadia dadus saudozo ne’e ho didiak atu nune’e relata ba ministeriu relevantes atu toma atensaun ba nia familia, fen ho oan ne’ebe nia husik hela.

Hafoin plenaria PN, segunda,24/02 ne’e kontinua fo votus apezar ba sidadaun Indiana, Amitha Thapa ne’ebe dedika ninia vida kuaze tinan 10 resin iha Timor hodi salva inan ho oan ba fasilidade saude sira.

Husi votus apezar ne’ebe deputadu orgaun lejislativu da-lima fo ba saudozo Indiana Amitha Thapa ho rezultadu votasaun afavor 46, kontra zero abstensaun zero, sinifika rekunesemenu aprovadu. Ivo

Leave a Reply

Your email address will not be published.