SEA Organiza Timor Oan Produz Bote
Naunil Media (Díli), Sekretáriu Estadu Ambiente Deométro Amaral de Carvalho, informa organiza ona Timoroan rihun ualu (8000) hodi produz bote ba program Sesta Bázika.
“Governu organiza populasaun sira hodi produz bote, benefísiu ba produtor bote ema besik rihun ualu mak involve, pasta verde ita distribui dadauk ona, espera sei distribui tan bote ba numeru ne’ebé ita hakarak atinje”, Membru Governu konstitusionál da-ualu, Deométro, ba jornnalista sira hafoin sorumutuk ho Primeiru Ministru, Taur Matan Ruak iha Palásiu Governu, Sesta (18/12).
Deométro esplika, hola parte ba planu ezekusaun tuir dekreitu lei numeru 37/2020.
Governante ne’e, dehan dadaun taka ona empreza ida iha Hudi-Laran ne’ebé mak produz plastik.
“Temporariamente ami taka ona empreza ida produz plastiku iha Hudi-Laran, ita hein hela ministeiru públiku ninia servisu hodi hein desizaun final ba despaisu administrativu ba asuntu refere”, tenik Nia
Nia hatutan tan, ba grupu sira ne’ebé produs bote, oin ba Sesta Bázika maibé posibilidade, bote bele sai alternativu mos ba loja sira atu uza iha tranjasaun produtu sira ne’ebé sira faan. Lop
