Ohin, Rejista Kazu Covid-19 Foun 16, Baixa 227
Naunil Media (Díli), Portavoz Kordenadór Forsa-Tarefa ba Mitigasaun Surtu Covid-19, Rui Maria de Araújo, informa kazu atuál Covid-19 iha Timor-Leste ohin pozitivun foun ohin ema na’in-16, rekupera laiha no baixa ativu iha sala izomalementu hamutuk 227.
Kordenadór Forsa-Tarefa ba Mitigasaun Surtu Covid-19, Rui Maria de Araújo ba jornalista sira liuhusi zoom, tersa (23/03).
“Dadus jerál ohin nian kazu foun 16, kazu rekuperadu laiha, kazu ativu 227. Husi kazu nain 16 ohin, iha mane nain 6, feto nain 10, Ema sintomátiku, ema asintomátiku 12, Husi horiseik mai ohin hamutuk hotu halo 689 testes PCR. Husi horiseik nian ohin, teste PCR ba ema atu hetan autorizasaun esepsionál atu sai husi serka sanitária husi Munisipiu Díli hamutuk 171”, ”, dehan Dr Rui
Eis Primeiru Ministru Rui hatutan, evolui surtu covid-19 iha munisípiu Díli ohin rejista kazu foun hamutuk na’in 14. detetadu ka pozitivu iha Díli husi loron 7 to’o 23 marsu hamutuk hotu 197.
Nune’e mós nia dehan, evolui surtu covid-19 iha munisípiu Viqueque ohin iha kazu foun 2 kazu totál hamutuk konfirmadu na’in 10. Kazu foun hirak ne’e, hela iha Aldeia Umaneiku, Suku Ossu de Cima, Postu Administrativu Ossu. Ho nune’e Kazu detetadu iha Munisípiu Viqueque fahe ba cluster 3. Evolui surtu covid-19 iha munisipiu Lautém, ohin la iha kazu foun no minisípiu Baucau, ohin la rejista kazu foun kazu atuál pasiénte hamutuk 19 Kazu detetadu, iha cluster 7.
Ikus nia apelu, populasaun iha munsípiu Díli no mós munisipiu sira seluk wainhira sente isin manas, kakorok moras, inus-ben, mear, favor hakat ba Sentru Saúde ne’ebé besik-liu atu bele hetan atendimentu. Munisipiu tolu hanesan Díli, Baucau, Viqueque ho Lautém nafatin hakmatek iha uma-laran. Favor lalika buka halibur malu. Wainhira sai husi uma, labele haluha proteje-an nafatin. Vit
