FEATUREDIkus LiuNewsPolitika

Ekipa Susesu FRETILIN Lamenta Votante Barak La Ezerse Direitu Votu

Fahe Tutan

Naunil Media (Bobonaro), Koordenadór ekipa sussesu husi kandidatura númeru 6, Fernando Gusmão, deklara lamenta tebes ho servisu Komisaun Nasional Eleisoens (CNE-Sigla Português), tanba akontese votante sira maioria laezerse direitu votu iha sentru votasaun paralelu iha Díli.    

“Situasaun husi sentru paralelu iha Díli la fó oportunidade ba votante sira atu ezerse direitu votu, votante sira la vota ne’e maioria mai husi apoiante kandidatura númeru 6”, Koordenadór Nasionál Ekipa Sussesu kandidatura Lú-Olo, Fernando Gusmão, ba jornalista sira iha postu administrativu Balibo, Sábadu (19/03).   

Tuir Fernando Gusmão, katak votante barak laezerse direitu votu iha Eleisaun Prezidensiál tinan ne’e tanba menus sosializasaun husi órgaun kompetente CNE no STAE (Servisu Tekniku Administrasaun Eleitoral).

“Informasaun ladun to’o iha sidadaun, menus sosializasaun husi STAE. Ekipa lamenta ba situasaun husi sentru paralelu iha Díli. Bele hateten sidadaun ne’ebé la vota iha Díli, maioria husi apoiante númeru 6”, tenik koordenadór ne’e.

Tanba ne’e, Nia husu ba STAE no CNE atu aprende husi fallansu sira hodi halo di’ák liu-tan ba future.

“Ami nia kandidatura ‘Lú Olo’ sei metin no avansa ba segunda ronde ou segunda volta, tanba ita haree husi persentájem husi Ponta Leste, nune’e iha tendensia halai ba segundu volta. Entaun aproveita oportunidade ida ne’e husu ba STAE no CNE atu hadi’ak an hodi labele repete failansu sira iha eleisaun seguda volta”, dehan Nando

Ikus, Nando mos hato’o parabéns bá povu tomak, liu-liu apoiante kandidatura Lú Olo, tanba ezerse ona direitu votu. Ana

Leave a Reply

Your email address will not be published. Required fields are marked *