FEATUREDIkus LiuNewsPolitika

Votantes Aldeia Faloai La’o Ain Kuaze Kilómetru 7 Hodi Ezerse Direitu Votu

Fahe Tutan

Naunil Media (Bobonaro), Sábadu (19 Marsu 2022) ne’e, husi aldeia Faloai, suku Leohitu, postu administrative Balibo, Munisípiu Bobonaro, votante sira tenki la’o ain kuaze kilómetru hitu (7) ba sentru votasaun hodi ezerse direitu votu iha eleisaun prezidensial.

Xefe Aldeia Faloai, Mariano Barreto, informa votante sira husi aldeia refere tenki la’o ain ho distansia dook kuaze kilómetru hitu mak bele ezerse direitu votu hodi hili Prezidente Repúblika foun.

“Ha’u nia komunidade la’o ain kuaze kilómetru 7, inklui votante sira tama ona terseira idade, hahu la’o tuku 6 dadér mai sentru votasaun’’, Xefe Aldeia Faloai, Mariano Barreto, ba jornalista sira iha sentru votasaun eskola EBC, Leo-Hitu.

Autoridade Aldeia ne’e informa, total populasaun iha aldeia refere hamutuk nain 300 resin, komunidade ne’ebé oituan liu kompara ho aldeia sira seluk iha suku Leo-Hitu.

“Aldeia Faloai iha uma-kain 92 ho total populasaun 300 resin. Konsidera aldeia ne’ebé nia populasaun menus liu kompara ho aldeia sira seluk iha suku Leo-Hitu”, tenik Mariano

Tuir Nia, aldeia refere rural e izoladu teb-tebes, tanba seidauk asesu enerjia eletrisidade no estrada.  

Husu kona-ba rezultadu eleisaun PR, líder aldeia ne’e iha esperansa ba kandidatura ne’ebé sei eleitu mak importante lori Timor ba oin.

Suku Leo-Hitu kompostu husi aldeia Aisa, Faloai, Ferik-Katuas, Mohak, Rai-ulun ho nia total populasaun 3000 resin. Ana

Leave a Reply

Your email address will not be published. Required fields are marked *