Ezoneira Membru CNRT Iha Governu Konstitusionál Da-Ualu Ne’e Kompetensia PM Taur ho PR Lú Olo

Fahe Tutan

Naunil Media (Díli), Vise xefe bankada Congresso Nacionál de Reconstrução de Timor (CNRT), Patrocino Fernandes, hateten Primeiru Ministru Taur Matan Ruak ho Prezidente Repúblika (PR) Francisco Guterres ‘Lú Olo’ mak iha kompetensia hodi halo ezoneirasaun ba membru CNRT iha Governu konstitusionál Da-Ualu.

“Karta rejignasaun sira ne’ebe sira hato’o no iha ona Primeiru Ministru nia liman, Primeiru Ministru enkamina ba Prezidente Repúblika para depois dekreta. Ita lahatene to’o agora dekreta ga lae ?. Maibe ita hein desizaun hosi sira, tamba ne’e kompetensia sira nian”, hateten vise xefe Bankada CNRT, Patriocino Fernandes, ba jornalista sira iha Parlamentu Nasionál, Segunda (08/06).

Deputadu ne’e hatutan, membru governu ne’ebe indijita husi CNRT ne’e dadaun ne’e seidauk sai, tamba sei hein membru governu foun no sei halo relatóriu durante mandatu hodi entrega ba membru Governu foun.

“Segunda faze ba tomada de pose ita haree seidauk, entaun parese sira sei halo relatóriu para depois membru Governu foun sira tomada de posse hotu sira halo hand over ida ho responsabilidade, tamba ne’e sasan estadu mak sira sei mantein hela servisu sira ne’e”, tenik Nia.

Nia subliña “Hau hanoin sira komprende diak liu kontiudu karta ne’e, tamba konteudu karta ne’e iha kontiudu rua deit, ida husu para sira rejikna an husi membru governu no ida seluk se desidi mantein iha governu nia konsekuensia tenke hakotu lasu husi partidu”.

Iha fatin hanesan xefe bankada FRETILN, Francisco Miranda Brabco, hateten desizaun atu demite membru Governu indijita hosi partidu CNRT ne’e kompetensia Primeiru Ministru Taur Matan Ruak no Prezidenti Republika Lú Olo.

“Hau hanoin ida ne’e kompetensia Primeiru Ministru nian, keta sira iha relatóriu ruma depois entrega ba membru Governu foun, indijitadu para depois formaliza tomada pose foun. Hau hanoin ne’e normal maibe kestaun ne’e só Primeiru Ministru deit mak bele responde”. Dehan Deputado Francisco Branco. Uar

Leave a Reply

Your email address will not be published.