CNRT Apoia Asaun Xanana Defende Hadia Iregularidade Iha Governu
Naunil Media (Díli), Partidu Congresu Nasionál Rekonstrusaun Timorense (CNRT-sigla portugés) apoia ba asaun k husi líder karismátiku Kay Rala Xanana Gusmão depende hodi hadia iregularidade husi VIII governu konstituisionál liga ba Covid-19 iha Timor-Leste.
Vise Prezidente Partidu Kongresu Nasionál Reconstrusaun Timorense (CNRT) Virjilo Smith ba jornalista sira liuhusi komunikadu imprensa, iha Sede CNRT Bairru Dos Grillos, kuarta (14/04).
“Ami apoia asaun korajozu no umanu Xanana nian ne’ebé ho intensaun atu defende direitu povu nian, hodi kurizi iregularidade ne’ebe mosu iha prosesu tratamentu ba ema ne’ebé moras Covid-19 liuliu mate-isin Armindo Borges”, dehan Verjilo.
Smith afirma, CNRT hakarak kongratula líder Karismátiku Xanana tanba nia mak ema ne’ebé la’o haleu Timor-Leste hodi halo kampaña no prevene medida prevensaun Covid-19 ba populasaun sira liliu iha área fronteira.
Nia hateten, Partidu CNRT hakarak husu ba Governu atu hakoi pasiénte Covid-19 tenke ho dignu no tuir protukolu Organizasaun Saude Mundial (OMS) nian, no Kultura Timor nian.
“CNRT hakarak kuriji Prosesu funebre ba mate isin sira, ne’ebé mate tanba Covid-19 hodi hakoi tuir Protukolu OMS nian no entrega ba família hodi hakoi ho digno tuir prinsipiu relijiosu no kostume Timoroan nian.
Ikus nia dehan, Partidu CNRT konvida Povu Timor oan tomak atu observa nafatin regras no Protukolu Covi-19 tuir padraun OMS nian no kuidadu an husi moras refere.Jjf
