Akadémika FC Seidauk Prepara Ba Jogu LFA 2020

Fahe Tutan

Naunil Media (Díli), Prezidente Klube Futeból Akadémika (FC), Gil Conceição, hatete to’o agora klube ne’ebé nia lidera ne’e seidauk halo preparasaun ba Liga Futebol Amadora (LFA) tinan 2020 nian tanba sei hein kongresu nasionál LFA ne’ebé tuir planu atu akontese iha tempu badak.  

Gil Conceição hato’o asuntu ne’e ba Naunil Media hafóin nia ekipa jogu amigavel ho Lalenok United iha Fatuhada, (07/03).

“Akadémika FC seidauk halo preparasaun tanba ami  sei hein wainhra mak liga ne’e dehan la’o, sei hein kongresu depois hein serteza husi LFA ho federasaun hafoin mak Académica halo preparasaun mais agora ne’e seidauk”, hateten  Prezidente klube ne’e

Nia hatutan, Akadémika FC iha ona planu atu halo rekrutamentu ba ba jogadór fóun maibe seida’uk halo tanba realizasaun LFA époka iha tinan ne’e lada’uk iha serteza.

“Jogadór Akadémika balun sai balun mantein, iha estudante balun ne’ebé fóin mai depois sira aumenta tan jogador tuan, maibe ida ne’e mos ami sei kontinua hein programa federasaun ho LFA wainhira fó desizaun serteza ruma”, realsa nia.   

Prezidente Klube Akadémika núdar mos dosente iha Universidade Nacionál Timor Lorosa’e (UNTL), Gil dehan, Académica seida’uk iha planu atu kontrata jogadór ho klase di’ak iha nivel a’as husi rai liu. Dvo

Leave a Reply

Your email address will not be published.