Timor-Oan iha Reinu Unidu hakarak Lori Berta ba PR
Naunil Media (Reinu Unidu), Timor-oan sira ne’ebé servisu iha Reinu Unidu, hakarak ezerse sira votus konfiansa ba kandidatura Armanda Berta dos Santos, husi Partidu Kmanek Haburas Unidade Nasionál Timor Oan (KHUNTO), hodi eleitu ba Prezidente Repúblika ba periodu 2022/2027.
“Nudar Traballador Timor-oan ne’ebé servisu iha Reinu Unidu, hamahan a’an nudar militantes no simpatizantes husi Partidu KHUNTO, ho Halibur hakarak fó apoiu ba mana Armanda Berta dos Santos, atu sai Prezidente Repúblika period 2022-2027”, dehan porta voz traballador Timor-oan Jonio dos Santos liu husi komferensia imprensa iha Reinu Unido, Domingo, (27/2).
Nia hatutan, Traballador Timor-oan hirak ne’e konsidera kandidatura Armanda Berta dos Santos, hatudu ona nia kapasidade iha nia lideransa.
“Armanda Berta Do Santos nudar feto ida ne’ebé prontu ona atu servi no fuan ho laran , Pasiensia no humildade ba povu no nasaun Timor-Leste”, katak nia.
Kandidatura Armanda Berta dos Santos aktulamente asume ona komfiansa husi oitavu governu konstitusional ,hodi tur iha kadeira Vise Primeira Ministra (VPM), no Ministra Solidariedade sosial no inkluzaun (MSSI), ne’ebé nia hatudu servisu iha Nia governasaun, tempu ona jerasaun foun atu asume knar Prezidente Repúblika, nia hakotu. Ana
