Espoza PR Lú Olo, Cidalia : “Selebrasaun Loron Mundial Feto Bolu Atensaun Ema Hotu Luta Ba Igualdade Jéneru”

Fahe Tutan

Naunil Media (Díli), Espoza Prezidente Repúblika (PR) Francisco Guterres ‘Lú Olo’,  Cidalia Lopes Nobre Mouzinho  Guterres, hateten selebrasaun loron mundiál feto  iha (08/03) ne’e bolu atensaun hosi ema hotu atu luta ba igualdade jéneru hodi kontribui ba mundu ida ne’ebé igual no justu ba labarik feto.

Espoza PR, Cidalia Lopes Nobre Mouzinho  Guterres ba jornalista sira liu hosi komunikadu imprensa, iha Casa Civíl Prezidensia Repúblika, Palasiu Prezidensiál, Bairro Pité, Domingu (8/03).

“Loron mundiál feto 08 Marsu 2020, hakarak hato’o parabens ba feto, ami deseju felisisade, susesu  e prosperidade ba feto no labarik feto hotu. Hahú hosi labarik feto iha mehi sai feto ho vizaun bo’ot iha futuru, ho nune’e mai ita hotu hamrik no luta ba sira nian direitu”, hateten inan nasaun RDTL, Cidalia Lopes Nobre Mouzinho  Guterres.

Nia hatutan, selebrasaun loron espesiál ba feto  iha mundu tomak ne’e ho nia objetivu prinsipal atu  reforsa no valoriza kontribuisaun ema ida-idak nia servisu hodi atinji ba mudansa ne’ebé sustentavel.

“Antes atu komemora loron mundiál feto, ha’u mos iha atividade ba vizita Hospital  Nasionál Guido Valadares (HNGV), ba sala maternidade ho pediatria hanesan ámbitu hodi selebrasaun ba loron mundiál ba feto 8 Marsu 2020. Servisu hamutuk ho Plan Internasionál iha Timor-Leste hodi reforsa servisu ba trava feto minoridade isin rua sedu no kaben sedu, iklui kampaña hapara violensia hasoru labarik feto, no feto sira iha Timor­-Leste”. Dehan Nia. Lop

Leave a Reply

Your email address will not be published.