Miguel Fo Pose Diretor STAE Munisípiu 11

Fahe Tutan

Naunil Media (Díli), Ministru Administrasaun Estatal (MAE), Miguel de Carvalho, fo pose ba diretor Sekretáriadu Tékniku Administrasaun Estatal (STAE) husi Munisípiu 11 hanesan diretor Munisípiu Dili, Aileu, Ainaru, Covalima, Manufahi, Ermera, Liquica, Manatutu, Viqueque, Lautém no RAEOA.

Diretor Jeral STAE, Acilino Branco, hateten Munisípiu rua hanesan Munisípiu Bobonaro, Baucau inklui mós Munisípiu Ataúru mak seidauk fo pose tanba Munisípiu rua ne’e la pasa iha rezultadu ezame tanba ne’e mak sira nia rezultadu ne’e la hetan desizaun husi Komisaun Funsaun Publiku (CFP).  

“Iha pose ohin ne’e ba de’it Diretor 11 tanba iha prosesu selesaun meritu ne’e iha Munisípiu Baucau ho Bobonaro mak ninia prosesu selesaun por meritu ba kandidatu sira ne’ebé mak konkore ne’e laiha ida mak ultrapasa emtermus ninia rezultadu ba iha teste ninian.” Dehan diretor Jeral STAE ba jornalista hafoin remata pose iha salaun STAE, Sesta (24/6)

Diretor Jerál ne’e hatutan, entaun iha tempu badak ita sei hato’o fila fali ba funsaun publik loke hikas prosesu selesaun por meritu.

Nune’e mós ba Munisípiu Ataúru iha ona nomeasaun funsaun publik em substituisaun ba de’it fulan balu. Enkuantu partisipasaun pose ba diretor sira ne’e hetan partisipa masimu husi Ministru MAE, Komisariu funsaun publik, prezidente CNE no Diretor Jerál STAE. LTS

Leave a Reply

Your email address will not be published.