Governu Suspende Apoia Vítima Inundasaun Uma Kain 2.117 Iha Díli

Fahe Tutan

Naunil Media (Díli), Sekretariu Estadu Protesaun Sivil, Alexandrino Xavier de Araújo, governu seidauk fó apoiu hotu ba vitima dezastre natural (inundasaun) maibé hela 2.117  hosi totan númeru uma kain 4.800, tanba ho situasaun Surtu COVID-19 iha Timor-Leste (TL).

“Ita fó apoiu ona ba xefe família uma kain 2683, uma kain 2.117 mak seidauk hetan apoiu hosi protesaun sivil, la iha maibé tanba situasaun COVID-19 mak halo.  Hosi protesaun sivil rasik mak suspende tanba bele kria movimentasaun ne’ebé bo’ot no kontrola la diak”, infórma membru governu konstitusionál da-ualu, Alexandrino Xavier de Araújo, ba jornalista sira hafóin reuniaun estraordináriu Konsellu Ministru, iha salaun Ministériu Finansas Aitarak Laran, Segunda (20/04).

Governante ne’e akresenta, suku tolu mak seidauk hetan apoiu emerjénsia maibé iha ona planu atu fó apoiu tanba Sekretariu Estadu Protesaun Sivil, bolu ona Xefe Suku sira buka meius seluk bele aselera lalais atu fó apoiu ba vitima sira.

“Agora dadaun ita atu kontinua fó apoiu ba apoiu emerjénsia ne’e liliu ba suku tolu ne’ebé seidauk hetan apoiu emerjénsia, hanesan suku Bekora, Maskarinas no Caicoli. Ita bolu ona xefe suku sira buka meius oinsa hodi halo kordenasaun oinsa ita bele fó apoiu ba emerjénsia ne’e” nia relata.

Nia esplika, kona-ba rekoperasaun hafóin situasaun normal mak governu hahu fali rekoila dadus sira hosi xefe família sira liuhosi xefe suku sira hodi bele hatene total uma hira mak estragus.

Entretantu dadus 4.800 xefe família ne’e hosi munisipiu Díli de’it, no ba vitima sira ne’ebé hasoru inundasaun iha loron 13 Marsu 2020. Uar

Leave a Reply

Your email address will not be published.