Kazu COVID-19 Pozitivu na’in-13 Husi Díli
Naunil Media (Díli), liu husi Vise kordenadóra Forsa Tarefa ba prevensaun no Mitigasaun ba Surtu covid-19 Odete da Silva Veigas, informa kazu Covid-19 kontinua rejista pozitivu ba na’in-13 husi munisípiu Díli.
Vise koordenadóra Forsa Tarefa ba prevensaun no Mitigasaun ba Surtu covid-19 Odete da Silva Veigas ba jornalista sira liuhusi komunikadu imprensa, iha Ofisial sala Situasaun-sentru Integadu Jestaun Krize (SIJK), iha Centru Conevenções (CCD), tersa (09/03).
Tuir Vise kordenadór Odete, kazu na’in-13 ne’e na’in-9 husi Tasitolu Betem II, na’in-1 husi Bebonuk no nain 3 husi Hospitalo Nasionàl Guidu Valadare (HNGV).
“Ohin, loron progresu ba servisu exersisu ne’ebé mak halo iha postu administrativu Don Aleixu, suku Mahadoi, Tasi Tolu Betem II Kazu positivu hamutuk nain 9, Ida iha Bebonuk Ita mos foti husi Sempel 28 ne’e mak positivu Ida, iha Sorin seluk halo teste Screening Swap ba pessoal saude Ida iha HNGV ho nia oan Nain 2 hamutuk Nain 3 total kazu positivu 13 ba ohin loron”, dehan Odete.
Alende ne’e Odete husu, ba komunidade ne’ebé oan sira eskola iha Canosa, KAFE Timor Taibesi, School internation iha embaixada Austrália ninia kotuk ne’e, labarik ne’e mós iha relasaun ho kazu positivu HNGV no Betem II husu atu hakbesik aan ba sentru saude ka kontaktu ba 119 atu foti Swap ba sira.
Entretantu dadus jerál covid-19 ohin loron nian foun 13, kazu rekoperadu 0 no kazu ativu husi loron orseik sa’e ona ba 48 kazus. ivo