Front Povu Maubere Dezafia Sosiedade Hotu iha TL Apoia Papua Kontra Indonézia

Fahe Tutan

Naunil Media (Díli), Tersa (11/08) ne’e, liu husi konferensia imprensa iha edifisiu HASATIL, Faról, Porta Voz Front Povu Maubere, Miguel Arcanjo da Silva, dezafia sosiedade hotu iha Timor-Leste (TL) atu hakilar ba militar Indonézia, tanba halo violasaun direitus humanus hasoru povulasaun  Papua.

“Kona-ba isu Independensia rai Papua nian, ne’e husu sosiedade hotu-hotu ninia solidariedade, nakloke ba entidade hotu tantu Governu, sosiedade sivíl atu luta kontra violensia direitus humanus mak komete husi Etsadu no militar Indonezía iha rai Papua”, hateten Porta Voz Front Povu Maubere, Miguel Arcanjo da Silva.  

Porta Voz Front Povu Maubere, Miguel Arcanjo da Silva, husu ba organizasaun sira ne’ebe luta direitus humanus, tantu nasionál no internasionál mak hala’o misaun iha Timor-Leste atu fó espasu palku hodi koalia interese povu Papua nian liberdade no indepensia.    

“Husu ba Institutu superior, autoridade  hotu iha Timor-Leste atu fó espasu, fó palku ba problema Papua nian isu independensia. Universidade sira, Organizasaun Naun Governamental sira iha Timor, pelumenus tenki iha sentimentu humanu, hodi kontribui ba prosesu luta ne’ebe dadaun ne’e halo husi povu rai Papua”, afirma Porta Voz Front Povu Maubere iha Timor-Leste.

Enkuantu rejistensia sira ne’ebe famozu iha rai Papua rua mak hodi kontra militar Indonézia mak, Organizasaun Exército Libertação Nacional Papua Ocidental no Organizasaun Papua Independensia (TPNPB-OPM-Sigla Indonézia) no oraganizasaun seluk-tan.

Jeografikamente Papua nia área luan 319.036 km², nu’udar provinsia ida parte oriental Indonézia, metade ocidental Nova Guiné no ilha sira seluk-tan.

Papua iha populasaun hamutuk 3,486 milhões tuir sesu uma-kain tinan 2014 no kapital Papua mak Jayapura. Dul/Emj1

Leave a Reply

Your email address will not be published.