Tinan 2021, AHDM-TL Sei Estabelese Kooperativa ba Ema ho Defisiensia Matan

Naunil Media (Díli), DiretórEzekutivuAsosiasaun Halibur Defisiensia Matan Timor-Leste (AHDM-TL), Gaspar Afonso, informa tinan letivu 2021 AHDM-TL sei implementa nia planu estratejia atu estabelese kooperativa ba ema defisiensia matan.

“Ami ho hanoin ida katak osan ne’ebé durante sira simu ne’e gastu le’et deit, ho objetivu ida ne’e mak hakarak loke kooperativa hodi estabelese hamutuk. Osan hirak ne’e bele hare fila fali ba ema defisiensia matan ba futuru”, Diretór Ezekutivu AHDM-TL, Gaspar Afonso, ba jornalista sira hafoin kongresu, iha Salaun Esperansa Delta, Kuarta (12/08).

Diretór Ezekutivu AHDM-TL, Gaspar Afonso, akresenta nu’udar ONG (Organizasaun Naun Govermental) mak luta ba diretitu ema ho defisiensia matan, nafatin halo advokasia, promove liu husi edukasaun, saúde, justisa no empregu.

“Ita nia ezistensia, ita halo advokasi, treinamentu, sensiabilizasaun ba komunidade, sosiedade, familia, autoridade lokal no governante sira oinsa konsidera ema ho difisiensia matan, liu-liu valoriza feto ho labarik difisiensia matan”, tenik Diretór ezekutivu AHDM-TL, Gaspar Afonso.

Gaspar Afonso preokupa, tanba ema ho defisiensia matan mak hamaha-an iha AHDMTL hamutuk nain-243, no tuir sensus povulasaun uma-kain tinan 2015 ho total 14.828, maibe laiha edifisiu ruma atu halibur ema defisiensia sira ne’e.

Iha parte hanesan, Defisiensia Matan, Josefina do Carmo, expresa sentiment triste tanba durante ne’e ema seluk ne’ebé la’os ho defisiensia la respeita no la valoriza ema sira defisiensia.

“Ha’u hanesan defisiensia matan la hanesan maluk sira seluk ne’ebé ho kondisaun fíziku di’ak, maibé sira diskrimina ami, halo violasaun ba ami, la respeita ami nia dignidade”, dehan defisiensia matan Josefina do Carmo.

Ikus-liu, Josefina husu ba Governu Timor-Leste bele kria fatin ida ba ba ema ho defisiensia matan, hodi trata sira hanesan mos sidadaun babain ka hanesan ema la’os defisiensia.. Emj1