Governu Aloka U$149 Mill Hodi Repatria Traballadór Timor Oan iha Korea

Fahe Tutan

Naunil Media (Díli), Governu aloka ona orsamentu ho montante U$149 Mill ba kompania aero Citi link hodi lori-fila traballadór sira Timor Oan iha Korea mai Timor-Leste.

Diretór Jerál Sekretáia Estadu Formasaun Profesionál no Empregu (SEFOPE), Paulo Alves, informa repatriasaun ne’e Governu halo bazeia ba pedidu husi trabalhador sira, tanba sira nian kontratu remata ona.

“Sira rasik mak hato’o pedidu ba Governu katak sira nia kontratu remata ona, tanba traballador sira ne’e balun laiha iha ona vistu desde 2010 ba leten no balun nia vistu mate kleur tiha ona”, Diretór Jerál SEFOPE, Paulo Alves, ba Jornalista sira liu husi Konferesia Imprensa iha edifisiu Ministériu Negosius Estranjeirus no Kooperasaun (MNEK), Praias dos Coqueiros, Segunda (03/08).

Diretór Jerál esplika, tuir proposta ema nain 68 mak husu atu fila mai Timor.

“Traballador sira Timor Oan sira ne’ebé atu mai Timor hamutuk 114 inklui estudante, pasiente balu mos mai hamutuk, sira to’o mai iha Timor loron 5 fulan Agostu ne’e, oras tuku 2 inklui mos ho mate isin nain rua”, Ana/Emj2

Leave a Reply

Your email address will not be published.