Aileu Reativa Isar Bandeira Hafoin Paradu Fulan Tolu
Naunil Media (Aileu), Segunda (03/08) ne’e, servisu funsaun públiku Munisípal kompostu husi Administradsaun Munisípiu, Postu Administrativu sira, Bombeirus, Diresaun Nasional Seguransa Patrimoniu Publiku (DNSPP), Komandu PNTL, Servisu Edukasaun no funsiunáriu públiku sira iha Munisípiu Aileu, hahu reativa programa Isar Bandeira Nasionál, hafoin paradu fulan rua tanba Surtu COVID-19.
Admistrador Munisipiu Aileu João Tilman do Rego, hateten programa Isar Bandeira nu’udár programa nasionál ne’ebe tenke hala’o iha instituisaun sira dala iha durante fulan ida.
“Ohin ne’e ita reativa Isar Bandeira, durante fulan tolu liu-ba ita hotu hatene afeitadu ba pandemia COVID-19. Ohin ita bele realiza fila fali Isar Bandeira hamutuk ho servisu munisipal hotu-hotu no mos komandu PNTL Munisipiu Aileu”, Admistradór Munisípiu Aileu, João Tilman do Rego, ba jornalista sira hafoin Isar Bandeira Nasionál iha Admistrasaun Munisípiu Aileu, Segunda, (03/08).
Admistradór Munisípiu Aileu, João Tilman do Rego, hatutan Isar Bandeira ne’e envolve mos funsionáriu sira hodi reforsa prosesu desentralizasaun tuir mandatu Governu.
“Isar Bandeira ne’e aktividade sira ki’ik, ita ladun halo gastu orsamentu, envolve direita funsaun públiku sira atu bele reforsa mos prosesu desentralizasaun nian ne’ebé mak tuir mandatu governu nian. Aktividade ne’ebé mak ita halo envolve xefe suku sira, admistradór postu sira inklui mos professor sira”. Dehan Nia. Nty
