MS Ho EUA Selebra Manual Foun Ba Forsa Traballu Saúde
Naunil Media (Díli), Ministra Saúde (MS), Odete Maria Freitas informa, Ohin selebra manuál foun ba forsa traballu saúde nian, ne’ebé hetan apoiu husi Estadus Unidus Amerika (EUA) liu husi nia ajensia ba dezemvolvimentu internasional (USAID) hametin profisionalismu pessoal saúde iha Timor-Leste.
“Ohin MS haloselebra manual foun sira hodi haforsa traballu saúde nian iha Timor-Leste, hetan apoiu husi EUA liu husi ajensia ba dezemvolvimentu internasional USAID”, dehan Ministra Saúde (MS) Odete Maria Freitas Belo ba jornalista sira, iha Otel-Timor Kolmera,kinta (19/01).
Nia afirma, Ita bele iha rekursus oioin, ita bele iha infraestrutura ne’ebé mak di’ak, maibé kuandu rekursus umanus lapreparadu para bele halo jestaun ne’ebé mak di’ak entermus oinsa atu jere rekursus ne’ebé mak iha, no mós ho atendementu no rekursus ne’ebé mak iha, entaun ida ne’e mak sai hanesan problema.
“Maibe ha’u mós lakoi dehan MS mak laprepara tanba ita ukun aan kuaze tinan 20, ona ema iha MS nian hala’o servisu hanesa ami halo ona karik seidauk sufisiente”, katak nia.
Tanba ne’e, iha parte seluk ko’alia kona ba ema nia satisfasaun ne’e subjetivu teb-tebes, ita koko atu halo di’ak,ema nunka satisfeitu, maibe ami mos la haree ba ida ne’e no ami haree ba saida mak ami bele halo.
Hare estudu ba espriensia husi nasaun seluk nian, saida mak sira bele halo oinsa sentimentu no jere ba ema no oinsa lider ida sae hodi motiva nia pesoal sira, fó atensaun ba pesoal sira entaun buat lubuk ida mak ita presiza atu haree”, hakotu nia. Ana
