Troféu Kopa Mundiál Hanesan Hondra Ida Ba Fotebolista TL

Naunil Media (Díli), Sekretariu Estadu Juventude no Desportu (SEJD), Abrão Saldanha Nokosiko hateten, Troféu Kopa Mundiál hanesan oportunidade no hondra ida ba futebolista Timor-Leste, tanba nasaun seluk husu duni maibé lakonsege vizita.

“Indonézia husu duni ba sira maibé lakonsege ita mak hetan oportunidade mai vizita iha ita nia fatin ida ne’e, hanesan hondra ida ba ita no liu-liu ba sira ne’ebé futebolista sira bele asiste besik liu troféu kopa Mundiál nian”, dehan SEJD ba jornalista sira hafoin enkontru ho Prezidente Repúblika PR José Manuel Ramos Horta iha Palásiu Prezidensiál Nicolau Lobato Bairru-Pite, sexta (10/06).

Sekretáriu Estadu Juventude vizita ne’e programa Fédération Internationale de Football Association (FIFA) nian tinan-tinan ne’ebé mak halo ba nasaun sira Organizasaun mundiál futebool nian hanesan, FIFA ne’e nasaun sira hadau malu atu hetan vizita ida ne’e depende ba konvense Organizasaun ne’ebé mak nia na’in.

Iha biban Prezidente Repúblika mós agradese ba FFTL no SEJD tanba, TL bele konsege hetan troféu ida ne’e iha Timor-Leste, ne’e susesu ida no servisu makas ida ne’ebé halo hodi hetan ida ne’e Segundu nia fó parabens ba ema hotu tanba bele hatudu maturidade hodi bele asegura eventu ida ne’e iha Timor-Leste no mós husu servicu ba makas liu tan atu nune’e bele dezenvolve Fotball iha Timor-Leste.

Rute troféu ne’e sai hosi Europa sei to’o iha Timor-Leste tuku 9:00 no iha tuku 15:00, lokoraik sai ba fali nasaun illa Salomão no hotu ba liu kedan Qatar hodi hein jogu kopa mundiál ne’ebé realiza iha setembru tinan ne’e.

Trofëu mundiál ne’e halo hosi osan-mean ho nia todan kilograma 6,142, naruk sentimetru 36,8 no trofëu ne’e hanesan prémiu ne’ebé as liu iha mundu futeból.

Trofëu ne’e halo primeiru iha tinan 1930, iha tempu prezidente FIFA, Jules Rimet hodi halo prémiu ida ba eventu futeból nian, enkuantu klube ka nasaun ne’ebé manán daluluk iha tinan 1930, hosi Urugay iha kontinente Amérika Latina, entertantu Brazíl mak nasaun ne’ebé sai kampiaun barak liu ba troféu mundiál ne’e.

Entretantu, iha jogu tinan lima liuba, nasaun ne’ebé sai kampiaun ba troféu ne’e iha tinan lima ba kotuk mak Fransa. Enkuantu kopa mundiál iha tinan ne’e sei Kompete hosi nasaun 40-resin hosi rejiaun Amérika, Ázia, Afrika no Europa.*Jos