PR Lú Olo Husu ba Governu, PARPOL Asentu PN Asumi Dezafius Hamutuk
Naunil Media (Díli), Prezidente Repúblika (PR) Francisco Guterres “Lú Olo” A pela ba governu no Partidu Polítiku (PARPOL) ne’ebé Asentu iha Parlamentu Nasionál (PN), atu sai efeitu liu tan no asumi dezafiu hamutuk importante ba dezenvolvimentu.
Xefe estadu hato’o apelu ne’e liu husi diskursu bainhira fó posse ba membru VIII guvernu Konstitusionál na’in 4 ne’ebé hala’o iha Palásiu Prezidensiál Nicolau Lobato Bairru Pite, Tersa (22/03).
“Ha’u apela ba Governu no mós ba partidu polítiku sira ho asentu iha Parlamentu Nasionál atu sai efetivu liu tán iha imi nia relasaun ba malu, atu nunee Ita-boot sira bele partilla no asumi hamutuk dezafius importantes ba dezenvolvimentu”, katak Xefí estadu
Lú Olo hatutan, Tuir kompromisu ne’ebé nia fó sai iha loron simu pose, nudar Prezidente Repúblika, iha 20 Maiu 2017, sei kontinua koopera ho Governu ba hotu-hotu nia di’ak, kontinua halo buat hotu-hotu ne’ebé bele halo no tuir Konstituisaun haruka.
Nia dehan, Prezidente Repúblika mós sei koopera ho órgaun soberania sira seluk atu Estadu Direitu Demokrátiku hametin babeibeik no mós ba unidade Estadu no Povu nian, atu hotu-hotu bele kontribui ba dezenvolvimentu nasionál ho sussesu no atu hetan liután justisa sosiál iha país Timor-Leste.
Tanba haree ba tempu badak sei resin hela to’o mandatu hotu iha tinan 2023, hein katak substituisaun ida ne’e ba membrus VIII Governu Konstitusionál sei lori benefísiu efetivu no hadi’ak duni dezempeñu governamentál, iha área sira ne’ebé halo mudansa. *Jos
