Odete: Imi Mak Halimar, MS La’os Halimar, Kazu Sa’e Eskola Taka
Naunil Média (Díli), Ministra Saúde (MS) Odete Maria Freitas Belo hateten, Atu la’o tuir protolkolu saúde la’os difisil, ita hanesan halimar, imi mak halimar, MS la’os halimar kazu sa’e ami taka nafatin eskola.
Ministra Saúde Kasu lia hirak ne’e ba Jornslista sira, iha Palsiu das Cinzas, (13/09) foin lalais, relasiona ho estudantes sira laiha konsiensia hodi kumpri protokolu MS , hodi prevene a’an husi Covid-19.
Nia haktuir, Atu reativa prosesu aprendizajen estudantes sira tenke kumpri protokolu saúde. “Se imi hakarak eskola favor ida la’o tuir protokolu Saúde ne’ebé mak iha atu bele prevene a’an husi Covid-19.”
Atu Reativa ensinu aprendijazen depende na Ministeriu Edukasaun Juventude Desportu (MEJD), mak tenke prepara estudantes sira hodi kumpri protokolu MS nian.
“ Agora depende ba MEJD mak tenke prepara nia estudantes sira tanba saida mak ita hare’e iha eskola, Estudantes sira uza maskra, halo distasiamentu sosiál, maibé sai husi eskola la uza ona maskra no laiha distansiamentu sosiál. Tenik Odete
Nia haktuir, Atu reativa prosesu aprendizajen estudantes sira tenke kumpri protokolu saúde.
“ Se imi hakarak eskola favor ida la’o tuir protokolu Saúde ne’ebé mak iha atu bele prevene a’an husi Covid-19,” Haktuir MS Odete
Nia husu ba estudantes universitariu sira atu halo prevensaun.
“ Liliu ba estudante universitariu sira “Imi bo’ot hotu ona imi hatene oinsa halo prevensaun” se hakarak eskola favor kumpri protokolu saúde atu imi di’ak de’it kazu labele a’as atu bele eskola laiha problema.” Haktuir MS
Nia esplika hanesan iha fulan kotuk liu ba loke tiha eskola depois iha eskola kazu sa’e ba 50 hakarak ka lakohi ita tenke taka eskola, tanba ita lakohi ema mate, ita moris mak bele eskola.
Nune’e MS husu ba MEJD ho Ministeriu Ensinu Superior Siensia no Kultura (MESSK) Prepara estudante sira banhira reativa eskola tenke kumpri protokolu MS nian, lakohi eskola tenke taka. Ivo
