FEATUREDIkus LiuNewsSeguransa

PNTL-F-FDTL Kaptura Sidadaun Nain-11 iha Fronteria Terestre

Fahe Tutan

Naunil Media (Díli), Porta voz Polísia Nasionál Timor-Leste (PNTL) Superintendente Xefe Arnaldo Aroújo, informa ekipa operasaun konjuta husi PNTL no FALINTIL-FDTL konsege kaptura sidadaun nain-11, tanba sira tama ho klandestinamente tama, sai iha fronteira, Bobonaru. 

“Durante semana ida ne’e nia laran, hahú husi dia 15 to’o 21 iha fulan Setembru , ekipa konjunta  husi  PNTL no F-FDTL  konsege kaptura ema nain 11 ne’ebé tama sai illegal iha liña fronteira. Kaptura ema hamutuk nain sanulu  resin ida, maibé nain tolu  mai husi estranjeiru no nain walu (8) siadaun Timor nian. Dadaun sira sei kumpri hela kuarentena iha Batugade, munisípiu Bobonaru hodi kumpri to’o loron 14, remata tiha mak  lori sira ba tuir prosesu investigasaun”, Porta voz  PNTL, Superintendente Xefe Arnaldo Araujo, ba jornalista sira liu husi  komunikadu  imprensa,  iha salaun  Kuartel Jeral PNTL, Kaikoli,  Kuarta (23/09).

Nia dehan, sei lori sira ba submete iha prosesu investigasaun hodi hetan motivu lolos.

Ikus Nia dehan, dadaun ekipa konjunta PNTL no FALINTIL-FDTL sei destaka iha  munisípu sira hanesan  Munisípiu Bobonaru, Covalima no Oe-Cusse. Emj5/Flo

Leave a Reply

Your email address will not be published. Required fields are marked *