FONGTIL : Aplika Auto Kuarentena ba Sidadaun Sira Akompaña Isin Mate ba Baucau la Efetivu
Naunil Media (Díli), Diretor Ezekutivu Forum ONG Timor-Leste (FONGTIL), Daniel Santos do Carmo, hateten modelu auto kuarantina ba sidadaun sira akompana isin mate husi rai-liur mai (Timor-Leste) ba Baucau la efetivu, tanba la iha akompanamentu ruma hosi ekipa vizilansia.
“Sidadaun balun mai tamba akompaña mate isin, halo mos auto kuarentena iha Baucau, modelu auto kuarentena ida ne’e la efetivu tamba la hetan akompanamentu no kontrolu adekuadu husi ekipa vizilansia”, Diretór Ezekutivu ne’e ba jornalista sira iha nia Edifísiu FONGTIL, Kaikoli, Kuarta (23/09).
Nia hatutan, ministériu saúde aplika kuarentena obrigatoriu durante loron 14 ba Timor oan ka estrangeirus ne’ebe fila husi Estadu afeitadu hodi evita kontaktu fiziku ho ema seluk, maibe presiza mos halo servisu ho efetivu atu kontrolu.
“Timor oan no estranjeiru sira hamutuk nain 196 inklui mate isin nain 2 ne’ebe tama iha Timor-Leste liuhusi Aeroporto Internasional Nicolau Lobato Díli ho aviaun Euro Atlantic, nain 86 mak tama iha fatin kuarentena, sira seluk halo deit auto kuarentena”, tenik Nia
Nia sujere, Governu Timor-Leste atu di’ak liu ekipa vizilansia tenki lori fila sidadaun hirak ne’e ba fatin kuarentena apropriadu fasil atu kontrola. Emj1