AHDMTL Komemora Loron Direitus Humanus Iha Munisipiu Covalima
Naunil Media (Covalima), Asosiasaun Halibur Defisiensia Matan Timor-Leste (AHDMTL), Komemora loron Mundial Direitus umanus iha Munisipiu Covalima, Postu Administrativu Suai, Beco, Aldeia, Haemano.
Antes hala’o serimonia komemorasaun ne’e AHDMTL hamutuk ho komuniade sira long mars (Marsa) haleu Aldeia Haemano
Komemorasaun ne’ebe AHDMTL komera iha Munisipiu Covalima ho tema ” Igualidade Hamenus Dezigualidade hakat ba Oin ho Direitus Humanus, Ho Sub Tema ” Ema Hotu Moris Livre no Iha Dignidade Ho Direitus Hanesan.”
Diretor Ezekutivu AHDMTL Gaspar Afonso, hatete, Aktividade ne’e atu lori mai hakbesik liu ba ema ho defisiensia sira iha area rural.
” Komunidade sira tenke intende ona katak, Ema ho defisiensia sira mos iha direitu hanensan, Ne’ebe mak konsagra ona Kontituisaun Republika Demokratika de Timor-Leste (K-RDTL), Iha Artigu 21 ho 16.” Dehan Prezidente AHDMTL, Gaspar Afonso, ba jornalista sira, iha sede Aldeia MJD, hafoin komemora loron Direitus Humanus, Sabadu (10/12).
Nia haktuir, Iha komemorasaun Direitus Humanus ne’e selebra mos loron Defisiensia iha Mundu Tomak.
” Nasaun hot-hotu komemora loron ida ne’e, Nune’e iha TL labele koalia de’it iha retorika, Maibe tenke iha pratika atu ema ho defisiensia sira bele goja duni sira nia direitu,” haktuir nia.
Gaspar Informa, Aktidade ho programa ne’ebe AHDMTL iha mak atu proteze ema ho Defisiensia sira.
” Ne’e hanesan korajen ida ba komunidade no inan aman sira, atu fo oportunidade ba oan sira ne’ebe ho kodisaun defisiensia atu envolve iha Asosiasaun, Nune’e sira bele aproveita hodi aprende ho vontade ne’ebe sira iha,” Apela Gaspar.
Realidade iha Munisipiu Covalima ema ho defisiensia matan barak, Maibe familia la fo aportunidade atu hamahan a’an iha organijasaun ne’ebe proteze sira nia futuru.
Entertantu, Iha komemorasaun ne’e Komunidade sira iha Aldeia refere antuziasmu tebes partisipa serimonia komemorasaun ne’e.
Komemorasaun ne’e partisipa husi, Xefe Suku Beco, Komadante Eskuadra Suai Villa, inklui autoridade lokal sira iha Postu Covalima. Latu
