Embaxadór EUA,Sei Enkotru Ho Governu TL, Halakon Diskriminasaun Ba LGBT
Naunil Media(Dili), Embaixadór Estadus Unidus America Iha Timor-Leste Kevin Blackstone deklara nia-parte sei organiza enkontru ofisial ida ho govenu Timor-Leste inklúi sosiedade sivil hodi halo diskusaun kona-ba oinsá halakon diskriminasaun ba grupu Lêsbicas,Gays,Bissexuaís e transgénero (sigla portugé LGBT).
Embaxdór deklara asuntu ne’e relasiona ho observasaun durante ne’e maioria Membru LGBT barak mak hetan diskrminisaun hosi sisedade balun.
“Iha fulan ida ne’e nia-rohan, ha’u-sei organiza enkontru ida ho ofisiais sira husi Governu, nomós husi sosiedade sivíl hodi halo diskusan atu nune’e bele elemina, halakon tiha diskriminasaun ba grupu LGBT”,dehan embaixadór ba jornalista sira hafoin hasoru malu ho Ministra solidaridade sosial no inkluzaun Armanda Berta Iha sala reuniaun Gabinete-VPM-MSSI iha kaikoli, sesta (18/06)
Embaixadór hatutan, nia mos esplika ba Ministra ne’e katak, apoiu hotu ne’ebé maka fo ba Governu liuhusi kolaborasaun bazeia ba atividade ne’ebe maka estabelese hosi governu Timor-Leste.
“Ha’u mós esplika ba vise primeru ministru katak, apoiu hotu ne’ebé halo, bazeia ba atividade hirak ne’ebe maka estabelese iha Governu Timor-Leste, entaun ha’u esplika kona-ba apoiu ne’ebé fo grupu vulneravel sira ne’ebe hetan impaktu, tanba sira nia orientasaun seksual mos tama ba identidade jeneru” nia-hatutan
Nia mos akresenta, iha mos programa rua programa harmonia nomos programa atu garante relasaun saudavel hodi nune’e bele atinji futuru ne’ebe livre husi violensia, ne’ebé mak dadaun ne’e la’o hela maka programa oinsa rezolve problema husi violensia bazeia jeneru mai hala’o iha Munisipiu sira. Rit
