Komunidade iha Fronteira Tenke Hakmatek

Fahe Tutan

Naunil Media (Díli), Porta voz Polísia Nasionál Timor-Leste (PNTL), Superintendente Xefe Arnaldo Araújo husu ba komunidade sira hela besik iha fronteira atu hakmatek no hapara aktividade illegal sira.

“Liña fronteira hanesan iha Oe-Cusi, Bobonaro no Suai , komunidade atu bele tau an no kumpri regra sira ne’ebé mak ita nia estadu no Governu fó sai ona, tanba dadaun ne’e ema iha mundo tomak mak preokupa tebes ba moras COVID-19”, Porta voz PNTL Superintendente Xefe Arnaldo Araújo, ba jornalista sira liu husi konferensia imprensa iha Quartel Jerál Kai-koli, Karta (9/09).

Porta voz PNTL Superintendente Xefe Arnaldo Araújo, hateten dadaun ne’e ema barak mak mate ba moras COVID-19, tanba ne’e husu ba komunidade sira tenki hakmatek no prevene aktividades illegal sira.

“Ita tenki prevene  nune’e labele mosu transmisaun lokal ba moras COVID-19 iha ita nia nasaun no PNTL kontinua esfórsu an maka’as hodi halo patruliamentu  ba iha ita nia fronteira terestre sira, nune’e bele prevene mos ba aktividade ilegais nomós ba ema ne’ebé tama no sai  illegal”, afirma Porta voz PNTL Superintendente Xefe Arnaldo Araújo.

Ikus-liu, Nia dehan, ekipa konjunta  husi UPF, F-FDTL inkliu COE sira servisu hamutuk kontinua halo patruliamentu no halo mos opersaun  atu asegura seguransa ba komunidade sira moris ho paz  no trankuilidade. Flo/Emj5

Leave a Reply

Your email address will not be published.